Шешен Республикасынынъ Аькимбасы Рамзан Кадыров ДР Госсоветининъ алдынгы председатели Магомедали Магомедовты ызгы йолга салмага Дагестанга келди. Рамзан Кадыровтынъ етекшилиги мен оькимет делегациясы РФ Ис Баьтири, ДР Госсоветининъ сыйлы председатели Магомедали Магомедовтынъ яназына келди. Рамзан Ахматович онынъ кедеси Магомедсалам Магомедовка, кардаш-тувганларына кайгырув соьзлерин айтты.
Соьйтип аталган яслар форумы Терекли-Мектебтинъ Абдул-Хамид Джанибеков атындагы орта мектебининъ негизинде болып оьтти. Бу яслар форумынынъ озгарылувы ийги аьдетлердинъ бириси болады. Аьр йыл сайын кыс шагында яде куьздинъ сонъгы куьнлеринде бу шара савлай Ногай район мектеблериннен ийги окувшылар катнасып, озгарылады. Форумды «Ногайский район «МР администрациясынынъ антитеррористлик комиссиясы ман «Яслык» яслар орталыгынынъ куллыкшылары уйгынлап озгарадылар.
Саьли куьн Дагестан Республикасынынъ Аькимбасы Сергей Меликов ис визити мен Азербайджан Республикасына келди эм эл басшысы Ильхам Алиев пен йолыгысты.
Биздеги авыл-калалардынъ орамларында хыйлы канъып юрген иесиз ийтлер аьдемлерге, боьтен де балаларга уьйкен кавыфлык тувдырадылар. Ызгы заманларда патшалык бу социаллык маьселеди шешуьвге де айырым маьне берип баслаган. Быйыл «Каравсыз юрген айванларды ыслав, стерилизация, кастрация этуьв эм ерине кайтарув» деген федераллык программасын яшавга шыгарув эсабында Ногай районына да бюджеттен 500 мынъ маьнет акша шыгарылган эди. Район...
Дагестанда ногай ти- линде шыгатаган сынъар «Шоьл тавысы» республикалык газетасына 2023-нши йылдынъ биринши ярым йылына язылув иси басланды. Газетага язылув иси «Шоьл тавысы» газетадынъ редакциясында эм почта боьлигинде юритиледи. Бизим газетамыз 90 йылдан артык заман Ногай шоьлининъ яшавшылары ман бирге келеди. Газетамыздынъ бетлеринде халкымыздынъ белгили, зейинли, солай ок тувган ерининъ оьрленуьвине уьлис коскан ясуьйкенлер, келеектеги...
Аьр бир аьдем бу дуныяда оьз ызын калдырады, иси мен халк арасында мутылмайды. Ондайлардынъ бириси – согыс эм ис ветераны Нурманбет Досманбет улы Батыров (яткан ери еннетли болсын). Мен насихатшы агайымызды коьзимди ашканнан бери билемен, авылдас болып яшаганмыз, сонъ ис йылларымызда да коьп катнасканмыз. Быйыл 1-нши декабрьде ога тувганлы 100 йыл толаяк эди. Оькинишке ол...
Аталыгымыздынъ аьскершилери кайсы заманларда да кан тоьгисли согысларда явды коркынышсыз эм аявсыз сокканлар. Элимиздинъ шынты увыллары данък уьшин тувыл, Тувган ери уьшин оьзлерин аямаганлар. Эл эм етекшилев салган борышлар ман буйырыкларды олар кайдай баа ман болса да, толтырмага шалысканлар. Керек болса, Эли уьшин олар оьз янларын да аямаганлар.
Быйыл 17-18-нши ноябрь куьнлеринде Ставрополь кра- йынынъ Минеральные Воды каласында «Журналистика в цифровую эпоху» деген Сырт-Кавказ федераллык округы акында материаллар аьзирлейтаган журналистлер, солай ок СКФО регионларынынъ пресс-службаларынынъ ваькиллери уьшин мастер-класс болып оьтти.
Янъыларда район орталык больницасынынъ стационарында физиотерапевтлик кабинет ашылды. Мундай кабинетте оьтетаган физиотерапевтлик процедуралар аьдем шаркынынъ эм туьрли муьшелерининъ авырувларын эмлевде коьмекши амаллар эсабында кенъ кулланылады. Олар аьдемге операция этилгеннен сонъгы болжалда эм, кайдай болса да авырувдан яде каьтеленуьвден сонъ эмленип, савлыгын беркиткен болжалда кулланылады.
Ана куьни алдында Ногай район Хатын-кызлар советининъ баславы ман Украина еринде оьтеяткан согыс спецоперациясында катнасувга шакыртылган ясларымыздынъ аналары ман йолыгыслар озгарылды.
