Дагестан Республикасында авылхозяйстволык перечень юритуьв исининъ сырагылары келтириледи. Сондай билдируьв республика Оькиметининъ Председатели Абдулмуслим Абдулмуслимовтынъ патшалык статистикасынынъ Федераллык службасынынъ етекшисининъ орынбасары Константин Лайкам ман йолыгысында айтылды.
Дагестан Аькимбасы Сергей Меликов кабыл эткен указга коьре, ДР Информация эм баспа агентствосынынъ етекшиси орынына Абдуразак Джамалутдинов салынган. Алдын ол республикадынъ Информация эм баспа министрининъ советниги болып ислейтаган эди.
Дагестан Республикасынынъ Аькимбасы Сергей Меликовтынъ етекшилиги мен республика Оькиметинде оьткен йыйында онынъ янъыртылган сырасы беркитилген.
Оьткен юмадынъ ишинде, дурысын айтсак, карагыс айынынъ 9-ншы куьнинде «Ногайский район» МР администрациясынынъ меканында район етекшиси Мухтарбий Кошманбет увылы Аджеков, «Единая Россия» партиясынынъ йогары советининъ агзасы болып, гражданлар ман йолыгыс озгарды.
Дагестан Республикасынынъ Аькимбасы Сергей Меликов регион уьшин энъ актуальли соравлар бойынша кенъес озгарды. Олар республика яшавшыларын исси сув ман, ягарлык эм электроярык пан канагатлав, солай ок коронавирус инфекциясына карсы йорыкларды тутув ман байланыслы.
Быйыл 24-нши августта Москвада «Единая Россия» Савлайроссиялык политикалык партиясынынъ ХХ курылтайынынъ экинши кезеги болып оьткен. Бу шарада видеоконференц байланыс аркасы ман Россия Президенти Владимир Путин катнаскан эм шыгып соьйлеген.
Дагестан Республикасында балалы аьеллерге республикалык бюджетиннен социаллык яктан коьтергишлев амаллары алынады. Соьйтип, регионнынъ Ис эм социаллык оьрленуьв министерствосы ман осал аьлде яшайтаган коьп балалы аьеллердинъ биринши класска бараяк балаларына бир кере берилетаган акшалай пособие тоьленеек. Бу тоьлев 2012-нши йыл Дагестан Республикасынынъ Оькимети мен беркитилген, неге десе аьлиги демографиялык аьллер осал эм коьплеген аьеллер айлак осал...
Быйыл 19-ншы сентябрьде – Савлайроссиялык ортак бир сайлавлар куьнинде туьрли оьлшемли сайлавлар кампаниялары болып оьтпеге каралады. Соны ман байланыслы сайлавлар йорыгы акында Дагестан Республикасынынъ Орталык сайлав комиссиясынынъ Председатели Магомед Дибиров пан юритилген хабарласувды тоьменде баспалаймыз.
Элимиздинъ бас каласы Москвада 4-нши июльде «Новые люди» партиясынынъ съезди болып оьтти. Сонынъ сырагылары бойынша партия РФ Госдумасына депутатлар сайлавларда катнасувга федеральлик списогын эм бир мандатлы округлар бойынша 200-ден артык кандидатлар коьрсеткен.
Быйыл язлыкта Савлайроссиялык «Справедливая Россия» политикалык партиясы «Патриоты России» эм «За Правду» деген политикалык партиялары ман косылысып, оьз атын туьрлендирген. Сонынъ акында партиядынъ курылтайында официаллы кепте билдирилген. Эндигиси бу партия «Социалистическая политическая партия «Справедливая Россия – Патриоты России – За правду» деп аталады. Онынъ председатели Сергей Миронов, сопредседательлери – Геннадий Семигин эм Захар Прилепин.
