Ставрополь крайындагы Минераловодский районында орынласкан Канглы авылында уьстимиздеги йылдынъ кырк кийик айынынъ 25- нши куьнинде 10 саьатте (1492-нши йылларда элгезерлердинъ тарих булакларында биринши эскеруьвлерге коьре) «…Ногай Ордасы Куьми йылгасында ер суьргенине» 530 йыл болатаган мерекесине багысланган шарасы уйгынланып озгарылаяк.
Янъыларда Ногай, Тарумов эм Бабаюрт районларыннан Ростов каласынынъ ипподромында ат асыллавшылары 2022-нши йылдынъ оныншы ат шабыс шарасында ортакшылык эттилер.
Уьстимиздеги йылдынъ кырк кийик айынынъ 4-нши куьнинде Ямало-Ненец автоном округындагы «Ногай Эл» миллет маданият автономиясынынъ ерли ямагат организациясы баьри диаспоралары ман бирге «Тарих ярастырылувы – «Булакларга кайтув» деген шара уйгынлап озгарды. Хаирбек Аюбович Алакаевтинъ белгилеви мен «Тарих ярастырылувы – «Булакларга кайтув» деген проектининъ кенъесуьв майданы диаспоралар ара байланысув уьшин болады.
Окытувшы аьр бир окувшысынынъ яшавында маьнели орынды тутып келеди. Онынъ колында билим, тербия алган окувшылары яшавда насихатшысынынъ коьрсеткен йолы ман адаспай тувра барадылар. Сондай абырайлы окытувшылардынъ бириси – Улангерек Байрашевна Ягьяева. Бай сулыплы окытувшы мине 50 йылдан артык Кизляр районынынъ Крайновка авыл орта мектебинде орыс тил эм адабиатыннан дерисин берип келеди.
«Шоьл тавысы» газетамыздынъ бетлеринде, элимиздинь туьрли муьйислеринде баска миллетлер мен бир сырада етимисли аьрекет этип, оьзлерин тек ийги ягыннан коьрсетип келген ясларымыздынъ акында йыйы язып келемиз. Буьгуьнги меним хабарым да – ногай шоьлинде тувып оьскен эм мине коьп йыллар бойы Ханты-Мансийск автоном округы бойынша Сургут каласындагы балалар бавында педагогикалык исин уьстинликли юритип келген Альмира Койлыбаева...
Кырк кийик айынынъ 1-нши куьнинде Тарумов районында биринши занъ согылды. Бу йыл ишинде 18 ортак билимлендируьв ошакларында 5150 окувшылары окув йылын басладылар, сонынъ ишинде 585 балалар биринши класска бардылар.
Яслык – ол яшавымыздынъ тек ярасык шагы болып калмай, яс аьдем алдына уьйкен мыратлар салып, олардынъ яшавга айланувына сенген, оьзинде яратувшылык куьшин сезген аьлемет шак болып келеди. Акыллы, тербиялы, оьнерли ясларымыз дуныядынъ янъы якларын ашпага, ярасыклыкты коьрсетпеге шалысадылар.
Бурыннан алып домбыра ногай халкынынъ энъ суьйикли саз алатларынынъ бириси болады. Оьмирлердинъ бойында уста домбырашылар ямагат арасында уьйкен сый-оьрмет пен пайдаланганлар. Олардынъ бириси – Дагестан Республикасыннан Каирбек Межитов. Ясуьйкен коьптен дуныядан кешкен болса да, онынъ аты мутылмаган. Миллетимиздинъ аьлемет сазы, терен маьнели йырлары кайсы заманларда да оларды тынълаган аьдемлерди сукландырганлар. Халктынъ саз шеберлиги аркадан-арка, атасыннан...
Уьстимиздеги йылдынъ тамбыз айынынъ 16-17-нши куьнлеринде элимиздинъ бас каласы Москвада «Этнокультуралык сектордынъ тебентели оьрленуьви» деген III Савлайроссиялык конференциясы уйгынланып оьтти. Шарада элимиздинъ туьрли регионларыннан ети юзден артык аьдемлер ортакшылык эттилер. Конференцияда Янъы Уренгой каласыннан «Ногай Эл» ногай миллет маданият автономиясынынъ председатели, ямагат аьрекетшиси, краевед, Россия Журналистлер союзынынъ агзасы Хаирбек Алакаев катнасты. Ол конференциядынъ барысында йыйылганларды...
КЧР-дынъ бас каласы Черкесскте республикадынъ сыйлы окытувшысы, Россия Язувшылар союзынынъ агзасы Насипхан Дауловадынъ «Олар Аталыкты саклаганлар» деген китабининъ презентациясы озды. Онда Карашай-Шеркеш Республикасында атлары белгили болып, яратувшылык аьрекети мен каьрлевши коьп аьдемлер катнастылар: олар – РФ Язувшылар эм Журналистлер союзларынынъ агзалары, илми аьрекетшилери, республикадынъ туьрли баспа шыгармаларынынъ етекшилери, коьлем информациялар амалларынынъ ваькиллери, айтпага, Асхад Карасов,...
