Кизляр район администрациясында район аькимбасынынъ орынбасары Иса Рамазановтынъ етекшилиги астында эм Дагестан Республикасынынъ Халк Йыйынынынъ депутаты Вагиф Абдуллаевтинъ катнасувы ман Антитеррористлик комиссиясынынъ йыйыны уйгынланып оьтти.
Новость на родном
Маданият – ол дерия
Ногай йырлавшысы эм режиссеры Ислам Сатыров оьз халкынынъ аьдетлери акында «Камбак» деген документальли фильмин Татарстанда коьрсетти. Онда Россиядынъ туьрли муьйислеринде яшайтаган ногай халкынынъ яшавы акында хабарланады. Фильмде ногай халкынынъ туьрли аьдетлери, айтпага, баладынъ боьлевиннен алып дувасларга бозлавга дейим де коьрсетилгенлер. Фильмди Татарстаннынъ миллет китапханасында увыт айынынъ ишинде коьрсеттилер.
Новость на родном
Яз байрамын хош алдылар
Навруз айынынъ 19-ншы куьнинде Ямало-Ненец автоном округындагы Новый Уренгой каласында орынласкан Миллет маданиятлар Орталыгында Навруз байрамына багысланган уьйкен концерти уйгынланып озды.
Новость на родном
Аьскершилер йигитлигин оьрметлеп
Кизляр районынынъ Косякино авылында навруз айынынъ 26-ншы куьнинде Россия пограничниги Рабадан Магамаевтинъ эстелигине багысланып эм «Россия уьшин», «Бизикилер уьшин» деген («Zа Россию! Zа наших!») спецоперацияга демевлик этилип волейбол бойынша ашык турнири уйгынланып оьтти.
Новость на родном
Ерли мектебте йолыгыс
Билимлендируьв йылы бойынша Шешен Республикасынынъ Шелков районындагы Сары-Су авыл орта мектебинде туьрли-туьрли шаралары оьткерилип келедилер. Сол Билимлендируьв йылына рас барып, онда туьрли язувшылар, шаирлер, аьлимлер мен йолыгыслары озгарылып барады.
Новость на родном
Билимлендируьв орталыгы ашылды
Янъыларда Кизляр районындагы Огузер авыл орта мектебинде «Аьлиги мектеб» деген федераллык проектининъ «Билимлендируьв» деген миллет проекти бойынша «Точка роста» деген естественный илмилерге негизленген билимлендируьв орталыгы шатлыклы аьлде ашылды.
Новость на родном
Енъуьвши болды
Шешен Республикасынынъ Сары-Сув авыл орта мектебининь 9-ншы класс окувшысы Малика Наврузова окытувшы Кельдихан Шамбиловадынь етекшилиги астында «Аталыгымыз» деген окувшылардынъ тергев-краевед куллыклары бойынша Савлайроссиялык ярысынынь регионаллык кезегининъ «Этнография» деген 2022- нши йылдагы номинациясында енъуьвши болып шыкты.
Новость на родном
Иси тийисли бааланган
Ямагат каравшылардынъ институты 2018-нши йылдан алып аьрекет этип келеди. Ямагат каравшылары биринши кере Россия Федерациясынынъ Президентининъ сайлавлары озгарылув заманында сайлав участокларында аьрекет этип баслаганлар. Ямагат каравшылардынъ бас борышы оьтетаган сайлавлар аьдильлик пен, законды тутувы ман эм бир иркуьвсиз оьткенин канагатлав болады.
Новость на родном
«Элгезер» деген выставкасы оьтти
Уьстимиздеги йылдынъ казан айынынъ 29-ншы куьнинде белгили ногай суьвретшиси Сраждин Батыровтынъ «Элгезер» деген выставкасы Ставропольдинъ патшалык Г.Н. Прозрителев эм Г.К.Праве атындагы музей-заповеднигинде ашылды. Выставка ногай суьвретшисининъ 70 йыллык мерекесине багысланган. Ставрополь каласына П.С. Гамзатова атындагы Дагестаннынъ суьврет ясав саниятынынъ музейиннен суьвретлер коллекциясы биринши кере аькелинген. Баска болып, выставкадынъ уйгынлавында Тахо-Годи атындагы Дагестан Республикасынынъ миллет музейи...
Новость на родном
Уллы Сраждинди эске алып
Караша айынынъ 26-ншы куьнинде биринши кеспили ногай суьвретшиси Сраждин Батыровтынъ выставкасы оьтти. Бельгия элинде Россия посольствосында маданият эм илми орталыгында болган вернисажда бу шет элинде Россия элшиси Александр Токовинин, посольство эм православие динининъ ваькиллери Владыко Симон эм отец Павел, Левенский университетининъ студентлери, келеектеги дипломатлары, журналист Анастасия Попова, VZW коьпмиллетли Кавказ халклар ара организациясынынъ етекшиси Висмурад...
