Яслык – ол яшавымыздынъ тек ярасык шагы болып калмай, яс аьдем алдына уьйкен мыратлар салып, олардынъ яшавга айланувына сенген, оьзинде яратувшылык куьшин сезген аьлемет шак болып келеди. Акыллы, тербиялы, оьнерли ясларымыз дуныядынъ янъы якларын ашпага, ярасыклыкты коьрсетпеге шалысадылар.
Бурыннан алып домбыра ногай халкынынъ энъ суьйикли саз алатларынынъ бириси болады. Оьмирлердинъ бойында уста домбырашылар ямагат арасында уьйкен сый-оьрмет пен пайдаланганлар. Олардынъ бириси – Дагестан Республикасыннан Каирбек Межитов. Ясуьйкен коьптен дуныядан кешкен болса да, онынъ аты мутылмаган. Миллетимиздинъ аьлемет сазы, терен маьнели йырлары кайсы заманларда да оларды тынълаган аьдемлерди сукландырганлар. Халктынъ саз шеберлиги аркадан-арка, атасыннан...
Уьстимиздеги йылдынъ тамбыз айынынъ 16-17-нши куьнлеринде элимиздинъ бас каласы Москвада «Этнокультуралык сектордынъ тебентели оьрленуьви» деген III Савлайроссиялык конференциясы уйгынланып оьтти. Шарада элимиздинъ туьрли регионларыннан ети юзден артык аьдемлер ортакшылык эттилер. Конференцияда Янъы Уренгой каласыннан «Ногай Эл» ногай миллет маданият автономиясынынъ председатели, ямагат аьрекетшиси, краевед, Россия Журналистлер союзынынъ агзасы Хаирбек Алакаев катнасты. Ол конференциядынъ барысында йыйылганларды...
КЧР-дынъ бас каласы Черкесскте республикадынъ сыйлы окытувшысы, Россия Язувшылар союзынынъ агзасы Насипхан Дауловадынъ «Олар Аталыкты саклаганлар» деген китабининъ презентациясы озды. Онда Карашай-Шеркеш Республикасында атлары белгили болып, яратувшылык аьрекети мен каьрлевши коьп аьдемлер катнастылар: олар – РФ Язувшылар эм Журналистлер союзларынынъ агзалары, илми аьрекетшилери, республикадынъ туьрли баспа шыгармаларынынъ етекшилери, коьлем информациялар амалларынынъ ваькиллери, айтпага, Асхад Карасов,...
Янъы Уренгой каласындагы 3-нши от туьсуьвден куткарув бойынша куьбининь етекшисининъ орынбасары, ишки служба подполковниги Амирхан Мытыевке Ямал Ненец автоном округы бойынша губернатор Дмитрий Артюхов губернаторыннан «Йигитлик эм йигерлик уьшин» медалин оьзи шатлыклы аьлде тапшырды. Бу ис орынында Амирхан Сулейманович 2001-нши йылдан алып куллык этеди. Оьз аьрекетин ол Ямал Ненец автоном областининъ Коротчаево каласында баслаган.
Ногай халкым аьвелгиде кайдай уллы эм йигит халк болган. Ол оьзининъ Ногай Орда деген Уллы оькимети мен кенъ яйылган шоьл еринде орынласып яшап келген. Сол бурынгы халкта кайдай да бир оьнерли аьдемлер коьп болган. Олар – айтувлы шаирлер, йырлавшылар, халк авызлама яратувшылыгын билуьвшилер, кайдай да бир терен ойлы бозлавшы ясуьйкен кыскаяклылар. Аьр бир аьелде уьйдинъ...
Исмаил эм Джабраил Яриковлар буьгуьнлерде Норильск каладынъ 27-нши мектебинде 8-нши класста окыйдылар. Олар бала бавыннан алып спорт пан кызыксынып турадылар, баслап Кокоев Азаматтынъ етекшилиги астында аьрекет этетаган куьрес секциясына юрдилер, сонъ тайский бокс спорт кебине оларды тренери Астек Янгазиев уьйретти, район ишинде озатаган ярысларда катнастылар, омыравларында медальлер йылтырадылар.
Алыс сувык Сургут каласыннан сизге йылы салам! Меним атым Медина Кулбусунова (суьвретте). Мен тувган тилимизде баспаланатаган «Шоьл тавысы», «Ногай давысы» газеталары эм, солай болып, «Маьметекей» журналы ман тар байланыс тутпага эм олардынъ бетлеринде Сургут каласында яшайтаган ногайлардынъ яшав-турмысы ман таныстырмага, олар акында хабарламага мыратланаман. Сургут каласында элимиздинъ туьрли муьйислериннен келген ногайлар яшайдылар. Биз асылымыз бан...
Ногай халкымыздынъ ваькиллери, элимиздинъ эм шет эллерининъ туьрли муьйислеринде яшаса да, халкынынъ атын коьтеруьв мыратта туьрли тармакларында куллык этип, бийик етимислерине етисип, оьз билими мен, эткен ис аьрекети бойынша сый казанып, оьз миллетининъ атын баскаларга танытып, халктынъ тилин, маданиятын, тарихин, саниятын оьсип бараятырган несиллерининъ юреклерине синъдирмеге шалысып келедилер.
Ногай яс пан танысып хабарласканда, меним соравыма ойланмай, алмай-салмай: «Билесинъиз бе, юрегим балалай суьйди йыр йырламага!» – деди ол мага. Сонъ хабар барысында, ол мага булай айтты: «Яслай мен йырлар йырланатаган телеберуьвлер карамага суьетаган эдим. Боьтен де, сол телеберуьвлерде меним суьер артистлерим Батырхан Шукенов, «А-Студиясы» деген ансамбли йырлаган йырлары мага айлак та ярайтаган эдилер!» –...
