«Тюмень» деп аталган киши-футбол клубынынъ яс ойнавшысы, Ногай районынынъ Терекли-Мектеб авылында тувган Азиз Муждаковтынъ аты элимиздинъ спорт суьювшилери арасында бара-бара сый эм абырай ман аталады. Соны ман бирге янъыларда оны Россиядынъ киши-футбол бойынша йыйылыс командасынынъ санына киргисткенлер.
Оьткен айдынъ ызында Хабаровск калада бокс бойынша Олимпиада чемпионы Константин Коротковтынъ эстелигине багысланган Халклар ара турнир болып озган. Сол турнирде бизим ердесимиз Рашид Янгазиев Россиядынъ сыйын яклаган, эм сонынъ сырагысында 1-нши орынды алып, енъуьвши болган. Ога дейим Рашид Янгазиев Россиядынъ сыйын Белорусь элинде яклаган эди. Соны ман яс спорт- сменимиз халклар ара классынынъ спорт устасынынъ...
Дагестан Республикасынынъ Ногай районынынъ Терекли-Мектеб авылында навруз айынынъ басында регионлар ара эркин куьрес бойынша Уллы Аталык согысынынъ ветераны Оразмамбет Койлакаевтинъ эстелигине багысланган турнир оьтти. Ярысларда ДР Ногай, Тарумов, Кизляр, Бабаюрт, Хасавюрт районларыннан, Ставрополь крайыннан, Карашай-Шеркеш эм Кабарты-Балкар республикаларыннан 2005-нши йыл эм сонъ тувган спортсменлер катнастылар. Бизим районнан 10 спортсменлер алтын медальлерининъ эм чемпион белбавларынынъ иелери...
4-нши март куьнинде Ногай район еринде «Авдастырув» деп аталатаган спорттынъ миллет кеби бойынша ярыслар озгарылды. Бу спорт шарасын яслар уьшин «Марвари» деген атлар клубы уйгынлап озгарды. Бу шара бурынгы ногай этно-спорттынъ сыйын коьтермеге эм атлар асырап оьстируьв тармагын оьрлендируьвге багысланган. Ярыстынъ йорыклары бойынша ат уьстиндеги аьдем, кол уьстинде куьрестинъ айырым кеплерин кулланып, оьз куьндесин ат...
Янъыларда Ногай районынынъ Нариман авылынынъ спорт залында аьскерши-интернационалистлерди эскеруьв куьнине багысланып «Кубок Афганцев» деген волейбол бойынша йылсайынлык турнири уйгынланып оьтти. Аьскерши-интернационалистлерининъ эстелигининъ куьни – оьз Элининъ межесининъ тысында интернационаллык борышын толтырган аьскерши-интернационалистлерин эске алувга каратылган Россия Федерациясында официаллы эскеруьв куьни деп белгили.
Ногай район аькимбасы Д.Эсиргепов та боксер Альберт Батыргазиевти рингта етискен енъуьви мен ак юректен кутлады. – Альберт Батыргазиев кеспили рингте сенимли аьлде тагы да бир енъуьвге етисти! Оьз енъуьвлери эм титуллары ман ол алдында мырады барын эм кыйын салув ман кайдай мыратка да етиспеге болаягын шайытлады. Сол ойы онынъ Токиода енъуьвге етискен сонъ айтканында да...
Кеше, 4-нши февральде, Москвада уьшинши савлайроссиялык боксерлар форумы ишинде Токио-2020 Олимпия чемпионы, кеспили рингте бир де енъилмеген боксер Альберт Батыргазиев Панама элининъ ваькили, WBA экс-чемпионы Хесреэл Корралес пен йолыгысты. Кеспили спортсменлердинъ бокс бойынша куьресуьв 10 раунд эсабында оьтпеге керек эди, ама ол заманыннан алдын тамамланды. Боксерлар рингте сав дуныялык аты болган Альберт Батыргазиевти кезекли енъуьвге...
Аьвелги заманларда ногай халкымызда куьш-куватлы йигитлер коьп болган. Аьли де бизим яслар ата-бабаларындай болып, оьзлерининъ куьшин туьрли ерлерде коьрсетедилер. Олай дегенимиз, ясларымыз спорт бойынша туьрли чемпионатларда катнасып, уьстинликлерге етиседилер эм бизди суьйиндиредилер.
Бала баьримизге де ортак. Сога коьре болар, ердеслеримиздинъ етимислерине суьйинемиз, боьтен де, сол уьстинликлер саьбийлерде болса. Аьлиги заманда ясларымыз сырт якларда ислейдилер, олардынъ коьбиси сол ерлерде ерлесип те каладылар.
Ногай район орталыгындагы Халк яратувшылык уьйинде (РДК) КПРФ Ногай РК аьрекети мен аьдетли шахмат турнири болып озды. Быйылгы шахмат турнири СССР курылганлы 100 йыллыгына багысланган эди.
