Уьстимиздеги йылдынъ навруз айынынъ 26-27-нши куьнлеринде Дагестан Респуб- ликасынынъ Махачкала каласында «Иске эм коршалавга аьзир» деген Савлайроссиялык физкультура-спорт комплексининъ фестивали болып озды. План бойынша белгиленген фестиваль 2022-нши йылдынъ коькек айынынъ 2-нши куьнинде озгарылмага керек эди, ама Дагестан Республикасынынъ физический культура эм спорт бойынша министри С.Сажидовтынъ аьризесине коьре, белгиленген шара навруз айынынъ 26-27-нши куьнине коьширилген. Сол...
Москва каласында янъыларда бокс кешлиги озды. Бу шарада Токиода Олимпиада чемпионы Альберт Батыргазиев эм азербайджан Гайбатулла Гаджиалиев рингке шыктылар. Куьресуьв 10 раунд болды эм тоьрешилердинъ карары ман енъуьвши Альберт Батыргазиев болды. Бу енъуьв Альбертке 61,23 шеккиси спортсменлер категориясында Евразиялык боксерлар парламентининъ (ЕВР) чемпионынынъ атын алмага амал берди. Бу бизим халкымыздынъ данъклы увылынынъ 6-ншы енъуьви болды.
Кизляр районынынъ Косякино авылында навруз айынынъ 26-ншы куьнинде Россия пограничниги Рабадан Магамаевтинъ эстелигине багысланып эм «Россия уьшин», «Бизикилер уьшин» деген («Zа Россию! Zа наших!») спецоперацияга демевлик этилип волейбол бойынша ашык турнири уйгынланып оьтти.
Халкымыздынъ келеектегиси – ногай ясларымыздынъ бала шактан алып спортка ымтылысы, спорттынъ кеплери бойынша туьрли район, республикадынъ туьрли дережели ярысларынынъ тек катнасувшысы болып калмай, енъуьвши орынларынынъ иеси де болып кайтувы аьр кайсымызда да оьктемлик сезимлерин тувдырмай болмайды.
Конъысы Шешен Республикасынынъ Шелков районынынъ Сары-Сув авыл орта мектебининъ окувшысы, яс ногай спортсмени Арсен Мустафаев янъыларда Турция элинде тайский бокс бойынша яслар арасында оьткерилген Европа чемпионатында катнасып, енъуьвши орынды бийлеген. Ога чемпионаттынъ алтын медали тапшырылган.
Оьткен тыншаюв куьнлеринде Россия Федерациясынынъ Оькимет Думасынынъ депутаты Султан Хамзаев Ногай районынынъ Терекли-Мектеб авылынынъ яс футболшылары ман йолыгысты. Балалар мунда онынъ шакырувы ман Ногай район аькимбасы Мухтарбий Аджековтынъ эм оьз тренери Алан Ярикбаевтинъ басшылавы ман келгенлер.
Атаклы спортсменлер Ногай районынынъ Терекли-Мектеб авылында орынласкан 2-нши номерли балалар уьшин спорт школасында, яслар уьшин мастер-классын озгардылар. Шарада спорт метеблерининъ тербияланувшылары, тренерлер, спорт суьювшилери катнастылар. Мастер-класстынъ барысында белгили куьресуьвшилери йыйылганлар ман бир неше оьзлери каьрлейтаган спорт кеплерининъ сыхырлыгы ман боьлистилер. Йыйылганлар чемпионларды тек коьрип калмай, оларга спорт бойынша кызыксынган соравларын берип, толы явапларын алдылар. Мастер-классын...
Дагестан Республикасынынъ Ногай районында Токио каласында озган Олимпиада ойынларынынъ бокс бойынша чемпионы Альберт Батыргазиевти эм сол ойынларынынъ катнасувшысы, Азиядынъ эки кере чемпионы Юсуп Батырмурзаевти хош алдылар.
Быйыл Япониядагы Токиода оьткен XXXII язгы Олимпиада ойынларында россия боксеры, ногай ясымыз, Нижневартовск кала яшавшысы (асылы ман Дагестандагы Бабаюрт районынынъ Геметюбе авылыннан) Альберт Батыргазиев халкымыздынъ тарихинде энъ биринши Олимпиада чемпионы болып, алтын медальди казанды.
Ногай районында спорт тармагын оьрлендируьвде салдарлы косымын этип келген аьдемлердинъ бириси – «Дагестан Республикасынынъ спорт эм физическая культура бойынша ат казанган куллыкшысы», «РСФСР Гражданлык оборонасынынъ отличниги» деген сыйлы атларга тийисли этилген Зейнулла Магомедович Менлигулов.
