Россия регионларында «Россия Федерациядынъ Санлы экономикасы» деген миллет программады яшавга шыгарувды яклав уьшин «Келеектинъ кеспилери» деген санлы фильм-дерис туьзилген. Ол ясларга пайдалы болганлай, окытувшылар эм ата-аналарга да пайдалы. Фильм окувшылардынъ оьрленуьвине эм патриотлык яктан тербиялавга каратылган. Фильмнинъ бас келпетлери -уьйкен класслардынъ окувшылары. Олар аьлигештен робототехника, квантовый физика эм баска алдышы тармакларда проектлер этедилер. Проект солай ок маьнели маьселеди коьтереди: яс кадрлардынъ тувган-оьскен ерлериннен кетуьвин.
«Келеектинъ кеспилери» санлы дерис ярдамы ман уьйкен класслар окувшыларды эм ясларды оьз оьрленуьвининъ баалыгы акында дискуссияга эм уьстинликтинъ белгилери, дуныяда эм оьз яшавымда мен не затты эм не уьшин ийгилендирмеге суьемен деген соравлар уьстинде ойланув «Билим» деген миллет проекти эм бас деп «Аьр баладынъ уьстинлиги деген проектти яшавга шыгарувга себеплик этеди.
Окувшыларда, бас деп элимиздинъ узактагы ерлеринде, келеектинъ болымлыгын оьрлендируьв мыратта 10000- нан кем яшавшылар болган ерлерде орынласкан мектеблерде, лицейлерде эм гимназияларда «Келеектинъ кеспилери» деген санлы дерислерди яюв акында карар кабыл этилип алынган.
Бу миллет проектлерди яшавга шыгарылув мыратта ДР Аькимбасы В.А.Васильевке тилек салынып хат келген. Онда булай язылган: «Сыйлы Владимир Абдуалиевич, сизге йогарыда белгиленген миллет проектлерди яшавга шыгарув мыратта регионнынъ тийисли билимлендируьв учреждениелеринде «Келеектинъ кеспилери» санлы деристи кулланув амалына эс этпеге эп туьземиз.
Сизинъ регионнынъ мектеблерин, лицейлерин эм гимназияларын «Келеектинъ кеспилери» проекти акында билдируьвде, правительствода, регионнынъ билимлендируьв органларында эм санлы оьрлендируьвинде ярдамласпага тилек саламыз».
«Келеектинъ кеспилери» санлы дерислерге эс каратув уьшин билимлендируьв учреждениелерине «цифровой-урок. РФ» деген сайтта аьризе калдырмага керек».
М.Качалкова, «Старана» фондынынъ талтырувшы директоры.
М.Чурбынов, Свердловск киностудиядынъ генеральный директоры
