Янъыларда эслилер эм сакатлар куьндизги ял алув боьлигинде «Ветеран» клубы бойынша социаллык буйымлар алувшылар ман боьлик культоргы Марина Кулунчакова йолыгыс уйгынлады. Бас деп Марина Исаевна эслилерге  «телефоннынъ шаркка зарары» деген темага хабарласув озгарды. Оннан сонъ ясуьйкенлер сыпырага шакырылып, ата-бабаларымыздынъ аьдети мен юма шай иштилер. 

Боьлик культоргы аьзирлеген билдируьв заманга бек келисли болды, сол тема бойынша хабарласув шай ишкен мезгилде де бардырылды. Конак ясуьйкенлер соравлар бердилер эм оьз ойларын айттылар.

М. Байманбетова.