Сайлавшыдынъ сайлавларда тавыс беруьвде катнасувга бас ыхтыяр «Россия Федерация гражданларынынъ сайлав ыхтыярларынынъ эм референдумда сайлав ыхтыярынынъ бас гарантиялары акында» Федераллык законы ман беркитилген. Россиядынъ 18 ясына еткен аьр гражданиннинъ сайлавларда катнаспага эп беретаган белсенли сайлав ыхтыяры болады. Онынъ ыхтыярларын (сайлавлар куьнинде сайлав участокка келуьви) яшавга шыгарув бойынша аьрекет этетаган сайлав законодательствосы ман белгиленген баьри ислер тутылады.
Эгер гражданин бир маьнели себептен (авырув, сакатлык) сайлав участокка келип болмаса, ол сайлавлар тамамланганша 6 саьаттен кеш калмай, участок тысында тавыс бермеге болады, сонынъ акында сайлав комиссияга билдирип эм аьризе язып.
2017-нши йылда законодательствога бир неше маьнели туьзетуьвлер киритилген:
– «РФ гражданларынынъ сайлав ыхтыярларынынъ эм референдумда катнасувга ыхтыярынынъ бас гарантиялары акында» Федераллык законынынъ 64-нши статьясынынъ 16-ншы пункты ман эм «Россия Федерация Президентин сайлавлар акында» Федераллык законынынъ 27-нши статьясынынъ 4.1 пункты ман келисте тавыс беруьв куьнинде оьзининъ тувган еринде болмаса, онынъ язып берген аьризесине коьре ол сол ер бойынша сайлавшылар списогына киргистиледи, сонда ол паспортын (паспортты авыстырув болжалда – кесек заманлы шайытламады) коьрсетпеге керек:
а) оьзи яшайтаган ери бойынша яде тавыс беруьв куьнинде оьзи болаяк ер бойынша территориаллык сайлав комиссияга – тавыс беруьв куьнге дейим 45 куьннен алдын тувыл эм бес куьннен кеш калдырмай (2018-нши йылдынъ 31-нши январь – 12-нши март куьнлеринде);
б) оьзи яшайтаган ери бойынша яде тавыс беруьв куьнинде оьзи болаяк ер бойынша участок сайлав комиссияга тавыс беруьв куьнге дейим 20 куьннен алдын тувыл эм бес куьннен кеш калдырмай (2018-нши йылдынъ 25-нши февраль – 12-нши март куьнлеринде);
в) МФЦ-дан тавыс беруьв куьнге дейим 45 куьннен алдын тувыл эм бес куьннен кеш калдырмай;
г) ЕПГУ-дан («Единый портал государственных и муниципальных услуг (функций) электрон кебинде – тавыс беруьв куьнге дейим 45 куьннен алдын тувыл эм, тавыс беруьв куьнге дейим 5 куьн калып, Москва заманы ман 24 саьаттен кеш калдырмай (дуьйсемби куьн).
Ногай районынынъ территориаллык сайлав комиссиясы сайлавшыларды 2018-нши йылдынъ 18-нши март куьнинде Россия Федерация Президентин сайлавларда белсенлик пен катнаспага шакырады.
А. Ганиев, Ногай районынынъ территориаллык сайлав комиссиясынынъ председатели.
