От туьсуьвден аман саклайык

Йыл сайын Россия Федерациясынынъ билим учреждениелеринде 200-ден артык от туьсуьвлер болады. Олардынъ бас себеби – от пан саклык тутув йоклыгы, экинши орында – электроалатларды кулланувда йорыкларды тутпав, уьшинши орында – от пан байланыслы куллыкларды озгарувда от туьсуьвге карсы йорыкларды бузув. Билим тармак учреждениелерде от коьбисинше уьй тоьбесинде, складларда, пол астындагы ерлерде туьседи. Баьри окув ошаклардан от туьсуьвге «амырак» болады физика, химия боьлмелери эм производстволык мастерскойлары, неге десе оларда янмага болатаган материаллар, тезлик пен янмага болатаган синъел материаллар, спиртлер, электроплиткалар сакланады. От туьскенде эвакуация йоллары бос болмага кереклер. Бирерде ондай йолларда эски уьй муьлки яде кайдай да болсын алатлар салынган болады. Ама эвакуация йоллары баьри тутылмага керекли йорыкларга явапласа да, от туьскен боьлмеде балалар коьп болса, эвакуация этпеге бек кыйын, неге десе балалар «паника» коьтередилер эм от туьсуьв аьллерде коркадылар. Сонынъ уьшин балаларды мектебке барганша от туьсуьв кавыфсызлыгы ман байланыслы нызам негизлерине уьйретуьв керек. От туьсуьвде занъ согынъыз: 101, 102, 103. М. Магомедов, боьлик начальнигининъ куллыгын кесек заманга юритуьвши иш службасынынъ майоры.