Фестивальде «Новая волна», «Голос», «Главная сцена» белгили телепроектлер катнасувшылары дослык коьпирин эм бирлигин туьзееклер, анъ эм йыр аркалы оьз маданиятлары ман таныстыраяклар. Соьйтип, халклар ара туьрли мастер-класслар, балаларга ойынлар, ярыслар эм янъы йыллык сув ишиндеги «Пираты и Корабль – призрак» деген шоу эм тагы да коьп баска кызыклы шаралар оьтееклер.
Сол кешликтинъ энъ аьлеметлиги – РСФСР халк артисти Ренат Ибрагимовтынъ янъы коьриниси болаяк. «iPRO» продюсер орталыгы бу фестивальдинъ бас партнеры болады. Онынъ басшысы – Ренат Ибрагимов. «iPRO» продюсер орталыгы тек Москвада тувыл, онынъ шетиндеги коьп ерлерде де белгили.
Бир сахнада белгили йыравшылар – Эмиль Кадыров, Севиль Велиева, Владимир Брилев, Илья Юдичев, «Июль» дуэты эм бизим ногай халкымыз атыннан Ислам Сатыров оьз оьнерлерин коьрсетееклер.
Билетлерди Showmart.ru сайтыннан яде +7(495)215-00-00 телефон номери мен сатып алмага боласыз.
«Дослык коьпири» фестивали
![](https://golosstepi.ru/wp-content/uploads/sites/7/sites/7/files\bf02d57972bc43200acc0a52cdf9ca97-мосты.jpg)