Оьрметли авыл кыйыншылары, агропромышленность комплексининъ куллыкшылары эм ветеранлары!

Бизим аьлиги яшавымызда агропромышленность куллыкшыларынынъ аьрекетининъ маьнесине тийисли баа беруьв бек кыйын. Авыл еринде аьзирленген продукция куьн сайын да бизим энъ де керекли азык-туьлигимиз болады. Сизинъ исинъиз аьр заман да эм аьли де ямагатымызда энъ де сыйлы эм керекли болып калады. Сизге таза юрегимизден берк ден савлыкты, наьсипти, баьри ислеринъизде эм баславларынъызда эмишликти эм уьстинликлерди йораймыз!

«Ногайский район» МР Депутатлар йыйынынынъ председатели Р.Насыров.