Кишкей карлар ярасыклы йогардан
Енъил ушып туьседилер ак ерге,
Алгасамай коьк пен ерди косканнан –
Саарлыктай ол болады коьзимде.
Алыс яктан куьн де янъы тувгандай,
Карайды ол ак булытлар ишиннен.
Йылтыратып ап-ак карды ювыркандай, 
Шагаласып иригендей суьйимнен.
Табиаттан келе йылув коьнъилге,
Коьмилгендей мен аьлемет ойыма.
Сылув кыздай, ап-ак  бояк туьсинде –
Ол аьзирдей коьринеди тойына.
Не ярасык ап-ак карлы кыс суьврет!..
Яхшылыкка коьмилдирген аьдемди.
Дуныяды алган савлай аьлемет,
Саьвлесиндей севип нурлы наьсипти.

В.Лукманова.