Коьтер басынъ, Ногайым!

 

Ах, ногайым, ногайым,

Оьктем баскан ызларынъ.

Эл тувдырган ер-ерде

Тиклеп салган назарынъ.

 

Шарувханнан ыз басла,

Сарайшыктан коьз тасла,

Ногайымнынъ ызлары

Атлан сувга атыла.

 

Тукымынъды сен мутпа

Коькирегинъ аймак эт.

Мыскылласа бир яман

Айдарыннан алы пет.

 

Коьтер басынъ, ногайым,

Тоьмен карар сен тувыл!

Оьктемликтен кан кускан,

Карагулдан болган ул.

 

Куьбе кийип эр болган,

Айсылувдан тувган ул.

Оьктем болшы, ногайым,

Осал тукым биз тувыл.