«Не пайда: интернет яде китап?»

«Не пайда: интернет яде китап?»

"Заман кетеди, оны ман бирге аьдемлер янъы машинлер эм технологиялар шыгарады. Ол затлар кавгадан сонъ басланып эм аьлиги заманга дейим бар.

Алгасавлы кеткен СССР-да Интернет деген алат йок эди. Сога коьре, баьри аьдемлер де коьп коьрген аксакаллардан алып эм балапанга дейим окымага бек куьшли суьетаган эди. Балалар окувды билмеге шалысатаган эди. Аьли де яслар китап окымага суьеди, ама олар аз. Меним суьйикли шайырым — Кадрия Темирбулатова. Кайдай аьруьв ятлавлары бар! Олар бизим коьнъилимизди толтырмага, яде ашшы кынжал болып юрегимизге кирмеге болады. Онынъ ятлавлары халкына эм Тувган Элине багысланган. Коьп кыйынлык коьрсе де, бир де онынъ юреги кара ойлар ман толмаган. Сондай абырайлы аьдемлерден кишкейлер коьрим алатаган болганлар.

Бизим заманда телефон эм Интернет те бар. Басында ол коьп билинмейтаган эди. СССР бузылды, ама оьзиннен сонъ халк арасында тек йылы ойлар калдырды. Мине анъсыздан шыкты Интернет эм сондай баска технологиялар. Аьли адым сайын мен сол яман Интернет пен расаман.

Сол алат уьшин балалардынъ коьбиси дерислерде окытувшыды тынъламай, берилген уьйдеги исти этпейди. Соннан себеп балалар оьзлери ойлагысы келмей, Интернеттен карап коядылар. Баска яктан караса, сол Интернеттен керек китапти тавып окымага ярайды.

Ызында оьзимнинъ соьзимди беркитким келеди. Белки, аьдемге баьри зат та керек болар, ама айлак куьшли кирмеге ярамас".