Сиз сол билимлендируьв тармакларында этилетаган куллыкларына биревге де бойсынмай баа бермеге болатаган ямагат советининъ сыраларына кирмеге мырадынъыз бар болса, www.bus.gov.ru. сайтында «Обратная связь» боьлигинде аьризенъизди калдырмага боласыз. 

Сол билимлендируьв тармакларында этилинетаган куллыкларга биревге де бойсынмай баа беретаган ямагат советининъ аьр бир агзасынынъ ойы маьнели болады, неге десе сол ойларга карап, билимлендируьв тармагына белги бериледи эм Дагестан Республикасынынъ билимлендируьв министерствосынынъ ямагат советининъ ис аьрекеттинъ сапатын коьтерер мырад пан маслагатлары аьзирленедилер. Сол тергевлердинъ сырагыларына коьре тергелген организация етекшилерине сый этилгенлей, етиспевликлери болса, солар да коьрсетиледилер эм кыйын аклары да кесиледи. Аьр бир тергев ислер озгарылганнан сонъ, белги берилген организация акында билдируьвлер Дагестан Республикасынынъ билимлендируьв министерствосынынъ сайтында баспаланады. 

Билимлендируьвдинъ сапатына биревге де бойсынмай белги беруьв Дагестан Республикасында 2015-нши йылдан алып озгарылады. Сол билимлендируьв тармагына, сол тармакта аьрекет этетаган программалардынъ толтырылувына белги беруьв процедурасы болады. Сол тергевлер аркалы Россия Федерациясынынъ регионлары арасында Дагестан Республикасы билим яктан кайсы орынга тийисли экенин де коьрмеге болады. 

Сонынъ уьшин бу белги беруьв аркалы билим де теренленип бараягына шек йок.