Озганларды

Ярамайды мутпага,

Тежрибе уьшин

Керек эсте тутпага.

Келеекти

Баалатар ол сага,

Тежрибесиз

Болмас яшав курмага.

Келеек зат

Болса да бек узакта,

Кашан етер

Деп ойланса, ол акта.

Ол тез етер,

Асыкпанъыз айлак та.

Келеек зат

Алыс тувыл – ювыкта.

Озган мынан

Келеекти тенълесенъ,

Кайсы ийги,

Кайсы осал анъларсынъ.

Келеек зат

Осал болса, алма сен,

Озган заттынъ

Ийгисин кер какпа сен