Сол куллыкларды Дагестан Республикасынынъ ЦЗН патшалык органлары уйгынлайдылар. Бир аьдемге косымша кеспи алдырар уьшин орташа 30 мынъ маьнет акша шыгарылады, баьри шыктажды да патшалык оьзи алады. Шарада ислейтаган эм куллык излейтаган (тийисли тыншаювга шыкпага бес йыл калган) аьдемлер катнаспага боладылар. Соны ман косымша кеспиге уьйретуьв де оьз йорыгы ман, экономика бойынша керекли кеспи усталыкка уьйретедилер, окытадылар. Шаралардынъ яшавга шыгарылувы ясуьйкенлерге оьз ислерин сапатлы бардырмага яде болса, мырадлары бар ерде, алган косымша кесписи бойынша ис аьрекетин бардырмага мырсат береек. Ясуьйкенлерге косымша кеспи алдырув шаралар 2019-ншы йылдан алып 2024-нши йылга дейим бардырылаяк. Косымша кеспи алар уьшин 3 ай узагында окымага керек болады. Шара ишинде окыйтаганларга стипендия МРОТ оьлшеминде тоьленеек (11280 маьнет акша). ЦЗН гражданларга сондай целевой колтыклав этуьви ис куьшлердинъ сапатын коьтеруьвге себеплик этеди, ясуьйкенлерге ямагат яшавында белсен катнасувга амал береди. Ясуьйкенлер косымша кесписин алув бойынша бизим район орталыгымызда ЦЗН-га келип, билдируьвлер алмага боласыз. Баскалай Дагестан Республикасынынъ Ис эм социаллык оьрлендируьв бойынша министерствосында да сиз 64-24-75 номерли телефон ман да оьзинъизге керек билдируьвлерди алмага ыхтыярынъыз бар. 

Р..Такташев, Ногай районындагы ЦЗН етекшиси.