Шегертки мен биргелесип куьресуьв керек

Онынъ сырасына ДР авыл хозяйство эм азык министрининъ биринши орынбасары Адильхан Ганакаев, ДР Минсельхозпрод ветеринария управлениесининъ етекшиси Магомед Шапиев, ДР ГКУ «Республиканское управление отгонного животноводства» етекшиси Наби Абдулгамидов, Кизляр районынынъ аькимбасынынъ куллыгын кесек заманга юритуьвши Расул Газимагомедов, Тарумов районынынъ аькимбасы
Александр Зимин эм Ногай районынынъ аькимбасы Мухтарбий Аджеков кирдилер. Йыйылганларды хошлай келип, Ставрополь крайынынъ Председателининъ биринши орынбасары Николай Великдань шегертки мен куьресуьвде, биргелесип аьрекетлевдинъ маьнелигин белгиледи: – Россия Федерациясынынъ Президенти мен кабыл этилинген миллет проектлери мен экспортты арттырув ман байланыслы болган борышлар салынган. Ставрополь крайы бойынша, биз 2024-нши йылга дейим экспортты 3,5 кереге арттырмага тийислимиз, олай дегенимиз, 300 миллион доллардан 1 миллиард 39 миллион долларга дейим. Солай ок биз
шегертки мен куьресуьвге бек коьпкарыж шыгарамыз. Эгер шегертки мен куьресуьвди куьшли этпесек, биз койларымызга ашатпага зат таппассык.
– Озган йыл биз Ставрополь крайы эм Калмыкия Республикасы ман биргелесип, шегертки мен куьрести юриттик. Бу йылкыс йылы болганга, куьрести куьшейтпеге керек болар. АПК продукциясынынъ экспорты акында айтканда, Дагестан Республикасы да бу миллет проектинде катнасады. Эгер, 2017-нши йылда Иран Республикасына 168 тонна кой эт йиберилген болса, озганйыл йиберилген эттинъ оьлшеми 5 мынъга дейим етти. Оннан оьзгелей, «Алтын куьз» Савлайроссиялык выставкасында биз 393 миллион маьнет акшага кой эм бузав эт йиберуьвге келисуьвге келдик,– деди А.Абдулмуслимов. Калмыкия Республикасынынъ
авыл хозяйство эм азык министри
Виктор Санджиев оьз соьзинде шегерткиге япсарлар йок экенинайтты. Оннан сонъ Сырт-Кавказ эм Кубыла федераллык округларында шегертки мен куьресуьвдинъ акында Ставрополь крайы бойынша «Россельхозцентр» филиалынынъ етекшиси Вячеслав Дридигер хабарлады. Кенъестинъ тамамында онынъ катнасувшылары япсарласкан уьш РФ субъектлерининъ пайдалы катнасувы ман байланыслы болган бир ойга келдилер.
Суьвретте: кенъестен коьринис.