Театр – аьлемет дуныя, ол каравшыларды ярасык эм оьнерли ойыны ман сукландырады. Ногай патшалык драмалык театрынынъ оьз тарихи эм яратувшылык йолы, кызыклы спектакльлери бар. Сол яратувшылыктынъ артында актерлардынъ янынынъ юмартлыгы, талабы, уьйкен иси турады.

Сизинъ спектакльлеринъиздинъ баьтирлери мен йолыгыс каравшыларды суьйинтеди, коьнъилди коьтереди, эдап эм эстетика баалыкларын тербиялавына демевлик этеди.

Сыйлы театр куллыкшылары! Кеспи байрамы куьнинде сизге берк ден савлык, аьел онъайлыгын, янъы яратувшылык ойлар, ярасык спектакльлер эм ийги каравшыларды йорайман.

«Ногайский район» МР администрациясынынъ Аькимбасы      М.К.Аджеков.