Сол пособиеди алмага тийисли аьдемлер (эгер 2018-нши йылдынъ биринши январиннен алып аьелде биринши бала тувган болса) «Ногайский район» МР администрациясындагы УСЗН-ге яде болса, МФЦ-га барып, аьризе язбага керексиз. Аьелде биринши бала тувган болып, сол аьелдинъ аьр ай сайынлык келими бир аьдемге 14883 маьнет акша оьлшеминнен кем болса, олар баласы 1,5 ясына толганша 9774 маьнет акша оьлшеминде аьр ай сайын пособие алмага ыхтыярлары бар.Тек эсинъизде болсын, бала бир ясына толганда, сизинъ келетаган пособиенъиз токтайды, эгер сиз кайтадан аьризе язбасанъыз. Солай ок, сиз, аьелде биринши бала тувып, тийисли аьризенъиз бен, биз йогарыда белгилеген учреждениелерге бармасанъыз, сол аьризе (кешиктирип) берген куьннен алып, акша тоьленеди. Йогарыда белгиленген пособиеди алар уьшин сонъгы документлерди аькелесиз: баладынъ ата-анасынынъ паспортлары, СНИЛС-лери, баладынъ тувганы эм аьел туьзилгени акында шайытламалары, аьелге келетаган акша карыжы акында(айлык) справка. Сол документлерди аькелип, аькелген документлерди тергемеге ыхтыяр бермеге керек. З.Аблезова, УСЗН специалисти.
Аьелде биринши бала тувса
![](https://golosstepi.ru/wp-content/uploads/sites/7/sites/7/files\471176d7ae298d732ff5a8ed1ad33cfc-depositphotos_13864331-stock-photo-sall-hamd.jpg)