Янъы окув йылы алдында ДР-нынъ Яшавшыларды социаллык коршалав управлениесининъ район боьлиги мен, «Балады мектебке аьзирле» Савлайроссиялык саваплык акциясын яшавга шыгарылып, колайсыз яшайтаган эм коьпбалалы аьеллер баларына коьмек этилинди.
Бу ак ниетли исте район яшавшысы Батырхан Сергей увылы Бийболатов («Батыр» туькени) белсенли ортакшылады, онынъ эткен финанс коьмеги аркасы ман окувшыга окув аьрекетинде керекли баьри канцтоварлар ман ярасык уьш портфельлер алынды. Олар
уьш аьеллер балаларына тапшырылды: СВО катнасувшысы Рахмет Абдурахманович Кульниязовтынъ (Нариман авылы) кызына, Эмма Алимхановна Тангатаровага (Калининаул) эм Альбина Альбертовна Аджековага (Ленинаул).
Шарада «Аталык коршалавшылары» Патшалык фондынынъ Ногай районы бойынша социаллык координаторы А.Межитов ортакшылык этти.
Балалардынъ ата-аналары эм ДР-нынъ Ис эм социаллык оьрленуьв министерствосы атыннан предприниматель Батырхан Бийболатовка окувшыларды Янъы окув йылына аьзирлевде тийгисткен коьмеги уьшин ак юректен разылыгымызды билдиремиз.
Ногай районынынъ баьри окувшыларына етимисли, парахатлы окув йылын эм уьст