Дагестан Республикасынынъ Оькиметининъ Председатели Абдулмуслим Абдулмуслимов тек
янъыларда «Меним Дагестаным. Мен яшайтаган ерде» деген проект ишинде, сол тема бойынша оьрлендируьв окув амалламаларын баспалавга 200 миллион маьнет акша
шыгарылаягын билдирген.
Сонынъ ишинде Дагестан Республикасынынъ Билимлендируьв министерствосына исти финаславга 198,5 миллион маьнет акша йиберилген. Белгилеп озайык, 2023-2024-нши окув йылында, ДР Аькимбасы Сергей Меликовтынъ баславы ман регионда биринши – экинши класслар окувшылары уьшин «Меним Дагестаным. Мен яшайтаган ерде» деген проект яшавга шыгарылган. Оьткен окув йылында окытувшылар эм окувшылар сол программа ишинде оьз ерининъ аьдетлери, тарихи, яшаган ерининъ маданияты бойынша уьйренуьвлерди оьткенлер. Бу окув йылында янъы курылган мектеблер де сол проект ишинде баспаланатаган янъы ьокув амалламалары ман канагатланаяклар. Сол проектлер ишинде баспаланган окув амалламаларга усаганлар элдинъ баска ерлеринде йок.
