Янъыларда Дагестан Республикасынынъ Аькимбасы Сергей Меликовтынъ катнасувы ман, регионга маьнели соравлар бойынша йыйын болып озды.
Новость на родном
Коьлемлик информация амалларынынъ сыйлы куллыкшылары эм ветеранлары!
Сизди кеспи байрамы – Россия Федерациясынынъ Баспа куьни мен ак юректен исси кутлайман!
Новость на родном
Ногай районынынъ прокуратура органларынынъ сыйлы куллыкшылары эм ветеранлары!
Сизди кеспи байрамы – Россия Федерациясынынъ Прокуратура куллыкшысынынъ куьни мен кутлайман! Прокуратура – Россия гражданларынынъ ыхтыярларын саклавды канагатлайтаган оькиметлик институтларынынъ бириси. Аьдемлердинъ законга эм акыйкатлыкка ынанувы коьбисинше прокуратура органлар куллыкшыларынынъ белсен аьрекет этуьви мен байланыслы.
Новость на родном
Бир кесек ятлавлары баспаланган
Элимиздинъ бас каласы Москвада шыгатаган аьр юмалык «Литературная Россия» газетасы 16-ншы ноябрьдеги номеринде «Многоликая муза России» деп аталган рубрикасы астында белгили ногай шаири, Дагестан халк поэти Анварбек Култаевтинъ орыс тилине коьширилген бир неше ятлавларын баспалаган. Сонда шаирдинъ кыска биографиясы эм суьврети де ерлестирилген.
Новость на родном
Яс несил ногайша соьйлесин деп
Ана тилин таралтув ниет пен районымыздынъ билимлендируьв, маданият учреждениелеринде, китапханаларында коьплеген шаралар озгарылады. Солардынъ коьбисин «Дослар-ТВ» телевидение уйгынлаган. Соьйтип, янъыларда районымыздынъ мектеблерининъ окувшыларынынъ катнасувы ман «Эртегилер» деп аталып, сынас озгарылды. Проектте 10 мектеблер катнастылар, олар ногай язувшыларымыздынъ шыгармалары бойынша коьрсетуьвлер аьзирледилер.
Новость на родном
Яявлар уьшин янъы сокпак
Ногай район орталыгы Терекли-Мектеб авылдынъ Гамзат Аджигельдиев атындагы орамы районымыздынъ энъ уьйкен мектеби – Абдул-Хамид Джанибеков атындагы мектебине ювык орынласкан. Сол себептен бу орам ман эртен, туьсте эм кеште окувшы балалар уьйлериннен мектебке келедилер эм кайтадылар.
Новость на родном
Атлылар ювырган ерим
Карагас авыл орта мектебинде шаир, журналист, Россия Язувшылар эм Журналистлер союзларынынъ агзасы, Дагестан Республикасынынъ ат казанган маданият куллыкшысы Магомет-Али Хановтынъ 60 йыллык мерекесине багысланган шара озды. Шарады юритуьвшилер уьйкен класслар окувшылары Алан Каракаев эм Камилла Заретова язувшыдынъ яратувшылык эм яшав йолы акында хабарладылар. Мектеб окувшылары шаирдинъ туьрли йылларда язылган ятлавларын окыдылар, онынъ соьзлерине язылган йырларын...
Новость на родном
Мерекеси мен кутладылар
Янъыларда «Эдиге» деген Астрахань областининъ регионаллык ямагат организациясы болган миллет маданият орталыгынынъ президенти Ильдар Альмухамедов ногай ямагаты атыннан Ким Абдуллаевич Шамуковты 90 йыллык мерекеси мен кутлады. Ильдар Альмухамедов мерекешиге Сый грамотасын тапшырды эм савга эсабында белгили суьвретшиси Фахрикамал Махмудовадынъ «Ногай биюви» деген суьвретин тапшырды.
Новость на родном
Ногайлар тарихинде коьрнекли орынды бийлейди
Равиль Джуманов Астрахань ногайлары арасында белсен ямагат аьрекетшиси, тарихши, публицист эм краевед деп белгили. Ол Сталинград областининъ Куянлы авылында (буьгуьнде ол Астрахань областининъ Красноярск районына киреди) тувган (соннан бери 85 йыл озды). Орта билимди Сеитовка авылынынъ ерли мектебинде алган, сонъ Уральсктеги пединститутында окып, окытувшы кесписин байырлаган. Яслайын ногай халкынынъ тарихи мен кызыксынган Равиль элимиздинъ Илмилер...
Новость на родном
Биринши ногай драматургы
Астрахань областиндеги ногай халкынынъ белгили язувшысы, ногай тилинде биринши пьесалар эм биринши романнынъ авторы Басир Мажитович Абдуллин тувганлы 130 йыл толды. Ол 1892-нши йылда Карагали юрт авылында тувган. Онынъ атасы Тияк авыл межигитинде моллалык аьрекетин юриткен. Сол авылда кишкей Басир ерли мектебин окып битирген. Сонъ Астрахань, Казань медреселеринде окыган. Билим алган сонъ, Россия мусылманларынынъ ярыкландырув...
