Дагестан Республикасынынъ Авыл хозяйство эм азык-туьлик министерствосынынъ етекшиси Мухтарбий Аджеков ис йорыгы бойынша Кизляр районында конакта болып кетти. Ол район аькимбасы Аким Микиров пан бирге районнынъ авыл хозяйстволык управлениесинде болып кеттилер. Онда олар дуьги йыйнав эм баска авыл хозяйстволык куллыклары толтырылувынынъ юритилуьви бойынша соравларын карадылар.
Уьстимиздеги йылдынъ кырк кийик айынынъ 21-нши куьнинде Терекли-Мектеб авылынынъ А-Х.Ш.Джанибеков атындагы орта мектебинде Уллы Аталык согысынынъ ветераны Хайрудин Аджидаирович Лукмановтынъ сыйына эстелик кешлиги уйгынланып оьтти. Бу йыл ол тувганына 100 йыл болды. Шарада согыс ветераннынъ кардаш-тувганлары, район ямагаты, окытувшылар эм окувшылар ортакшылык эттилер. Шарадынъ барысында йыйылганлар согыста бизим эркинлигимиз уьшин янларын курман эткенлерди бир такыйка...
Уьйсалган авылынынъ мектебининъ ана тил эм адабиат окытувшысы Рамина Алимхановна Байрамова аьли де яс болса да, окытувшылык тармагынынъ сулыбын алып келеятыр. Ол Хасавюрт педагогикалык колледжин битирип, 5 йыл узагында ислейди.
Салимет Исрапил кызы Абдулкадырова Ногай районынынъ Бораншы авыл мектебинде 1979-ншы йылдан алып куллык этеди. Ол Хасавюрт педучилищесин окып кутарган сонъ Дагестан патшалык пединститутынынъ баслангыш классларынынъ факультетин битирген. Басында ол пионервожатый, мектебтинъ комсомол организациясынынъ секретари, профкомынынъ председатели болып ислеген. 2008-нши йылда Салимет Абдулкадырова «Йыл окытувшысы – 2008» район конкурсында катнасып, 3-нши баргылы орынды казанган.
Аьр бир уьйдинъ яркын эм ярасык белгиси бар – ол бизим ясуьйкенлеримиз. Олар бизим уьйимизди, яшавымызды уьйкен маьнеге толтырадылар. Керекли маслагат берип, йолга шыксак, тилек тилеп, бизди баьри баьле-казадан саклайдылар.
Халкымызда исин йогары дережеде толтырувын, намыслылыгын, яваплылыгын, билимин, эрклигин баскаларга коьрим этип салгандай аьдемлер йок тувыл. Сондай аьдемлер кайсы заманларда да болганлар. Аьли заманлар туьрли болса да, оларга коьрим болган ата-анасы, олар берген ийги тербия баска болмага ыхтыяр бермейди.
Уллы аты болган Россия, кайдай кыйын аьлде болса да, тизине бир де шоькпеген. Эр йигитлер, артларына бурылып та карамай, дайым элди коршалавга аьзир болганлар. Оьзимиз Уллы Аталык согысы юрген йылларды коьзимиз бен коьрмеген болсак та, коьплеген булаклардан окыганмыз эм ясуьйкенлеримиздинъ хабарларыннан да эситкенмиз, сол йылларда Уллы Енъуьвди ювыклатув уьшин кешеси-куьндизи мен яс та, карт та...
Биз коьп йыллар бойы тынышлы аспан астында яшап, аьеллер курдык, билим алдык, аслык оьстирдик. Биз наьсипликте, суьйиниште, парахатлыкта яшадык Россиядынъ, республикадынъ, районнынъ туьрли оьрленуьв тармакларында куллык этип, оьз гражданлык борышымызды толтырдык. Биз халкымыздынъ оьрленуьвине, оькиметлик статусын алган маданият ошакларына суьйиндик. Бизди Терекли-Мектеб авылында Филипп Капельгородский атын юргистетаган ярасык парк, бизим авыллар курылыслары, бас каламызда билим...
Ызгы куьнлерде Дагестан Республикасында, айырып айтканда, уьйкен калалар – Махачкалада эм Хасавюртта Россия Президенти Владимир Путиннинъ тапшырувы ман басланган толы болмаган мобилизацияга карсы акциялар оьтти. Дагестанлылар аьр заманда да йигитлиги мен баскаланганлар. Буьгуьнлерде Махачкала эм Хасавюртта болып турган оьзгерислер дагестанлылардынъ касиетлерине усамайдылар. Бу оьзгерислерди кулакка кирип болатаган деп айтып болмаймыз. Баьри регионларда да мобилизация парахат...
Тарумов эм Ногай районларында Россия Федерациясынынъ Президенти Владимир Путиннинъ тапшырувы ман басланган толы болмаган мобилизация оьтеди. Онынъ барысы акында муниципалитетлер службалары билдиредилер. Колларына повесткалар алган эр кисилер военкоматка йыйналганлар, сонъында республикалык йыйылма пунктына йол алдылар. Яслар ман аманласпага Тарумов военкоматына ерли властининъ, депутат корпусынынъ, ямагатшылыктынъ ваькиллери, солай ок кардаш-тувганлары эм дослары келдилер.
