Москва каласында янъыларда бокс кешлиги озды. Бу шарада Токиода Олимпиада чемпионы Альберт Батыргазиев эм азербайджан Гайбатулла Гаджиалиев рингке шыктылар. Куьресуьв 10 раунд болды эм тоьрешилердинъ карары ман енъуьвши Альберт Батыргазиев болды. Бу енъуьв Альбертке 61,23 шеккиси спортсменлер категориясында Евразиялык боксерлар парламентининъ (ЕВР) чемпионынынъ атын алмага амал берди. Бу бизим халкымыздынъ данъклы увылынынъ 6-ншы енъуьви болды.
Дагестан Республикасынынъ Аькимбасы Сергей Меликовтынъ 2022-нши йылдынъ 28-нши мартында кабыл этилинип алынган 63-нши номерли Указына коьре, адабиат тармагында етискен уьстинликлери эм коьпйыллык етимисли куллык эткени уьшин шаир, коьшируьвши, публицист, Россия Язувшылар союзынынъ агзасы, Дагестан Республикасынынъ Язувшылар союзынынъ ногай секциясынынъ етекшиси Анварбек Утей увылы Култаев «Дагестан Республикасынынъ Халк шаири» деген сыйлы атка тийисли этилинди.
Дагестан Аькимбасы Сергей Меликов 31-нши мартта Дагестан Республикасынынъ Халк Йыйынынынъ кезекли сессиясында оьткен 2021-нши йыл бойынша Дагестан Республикасынынъ Оькиметининъ ис аьрекетининъ тамамлары акында эсап беруьв доклады ман шыгып соьйлеген.
Оьз яшавынынъ 50-ден артык йылларын бизим Кундару Карасаевна Сатырова окытувшылык аьрекетине багыслап келеди. Онынъ аты тек оьзи тувып-оьскен Карагас авыл яшавшылары арасында тувыл, савлай Ногай район яшавшыларына таныс.
Янъыларда Кисловодск каласында шатраш ойыны бойынша турнирининъ балалар уьшин Россия кубогынынъ кезеги уйгынланып оьтти. Ярыста Россия Федерациясынынъ 10 регионларыннан 109 катнасувшылары ортакшылык эттилер.
Навруз айынынъ 19-ншы куьнинде Ямало-Ненец автоном округындагы Новый Уренгой каласында орынласкан Миллет маданиятлар Орталыгында Навруз байрамына багысланган уьйкен концерти уйгынланып озды.
Кизляр районынынъ Косякино авылында навруз айынынъ 26-ншы куьнинде Россия пограничниги Рабадан Магамаевтинъ эстелигине багысланып эм «Россия уьшин», «Бизикилер уьшин» деген («Zа Россию! Zа наших!») спецоперацияга демевлик этилип волейбол бойынша ашык турнири уйгынланып оьтти.
Россия МВД-нынъ Кизляр районы бойынша полициядынъ ясы етпегенлерининъ иси бойынша инспекторлары «Оьлим кайда сатылады, билдиринъиз!» деген акциясы бойынша Кизляр районнынъ мектеблеринде окувшылар ман хабарласувлар юриттилер.
Терекли-Мектеб авылдынъ А.Джанибеков атындагы мектебинде янъыларда Ногай район мектеблерининъ окувшылары арасында «Брейн ринг» интеллектуальли ойыны бойынша 1-нши зоналык кезеги болып оьткен.
Мектеблерде кайзаманда да окувшылар арасында ярыслар озгарганлар. Эсимде, биз де «Зарница» ойынларга баратаган эдик, мектебимиз волейбол, футбол ярысларда сынаскан, класслар ара «Кая, кызлар!», «Кая, кеделер!» конкурслар оьтетаган эди. Аьлиги заманда да балаларды патриотизм яктан тербиялавга, спорт пан кызыксындырувга уьйкен маьне бериледи. Соьйтип Терекли-Мектеб авылынынъ А-Х.Ш.Джанибеков атындагы мектебининъ окытувшылары да ислейдилер. Физкультура дерисининъ окытувшысы Адильхан Бегали...
