Тагы да бир йылды тарихке йиберемиз. Оьтип баратаган йылымыз да кыйынлы йыллардынъ бириси эди, бу йылды да коронавируслы маразы ман куьресте озгарамыз. Алдымызда Янъы 2022-нши йыл, бу йылга уьйкен сенимлеримиз бар – элимиз бойынша яйылып келген коронавируслы маразын артта калдырармыз деп ойланамыз.
Янъы йылдынъ келуьви мен аьдемлер ийгиликлер куьтедилер эм алдыларына ярык мыратлар саладылар. Аьдетке коьре, биз бу куьнлерде бир-биримизге йылы кутлавлар айтамыз, келеектегиге ниетлер саламыз.
Ногай районы бойынша Россия МВД боьлигининъ етекшилери эм оьзимнинъ атымнан келеятырган 2022- нши барс йылдынъ аяк басып келуьви мен кутлайман. Сол куьнлерди биз юрегимиздеги куванышымыз бан, йылдынъ тамамларын келтирип, келеектегиге сеним этип, йолыгамыз.
Ак карлы, тырсылдаган ашшы аязлы, бетлери кызарып,шаналарына минип ойнап юрген кишкей саьбийлердинъ завыклы сеслери мен суклангандай аьл болган кыс мезгилинде савлай элимиз бойынша баьрининъ де суьйикли байрамларынынъ бириси – Янъы йыл кешеси келеди оьз сыхырлыгы эм аьлеметлиги мен, аьр кимнинъ коьнъиллигине коьнъил косып.
Оьтип бараяткан йылымызды йолга сала берип, Янъы 2022-нши йылды да тек ийгиликке сенимлигимиз бен, янъы ниетлеримиз бен йолыгамыз.
Кадрия атындагы мектебининъ негизинде уьстимиздеги йылдынъ карагыс айынынъ 14-18-нши куьнлеринде «Йыл окытувшысы-2022» район конкурсы оьтти. «Йыл окытувшысы-2022» шарасында Ногай районынынъ 12 мектебиннен 12 окытувшы ортакшылык этти.
Быйыл Япониядагы Токиода оьткен XXXII язгы Олимпиада ойынларында россия боксеры, ногай ясымыз, Нижневартовск кала яшавшысы (асылы ман Дагестандагы Бабаюрт районынынъ Геметюбе авылыннан) Альберт Батыргазиев халкымыздынъ тарихинде энъ биринши Олимпиада чемпионы болып, алтын медальди казанды.
Яшав деген бизди бирерде неге де коьндиреди, кайдай кыйынлыкка да йолыктырады. Тек биз бир де аявсыз Ажал анъсыздан ийги деген ювыкларымызды, тенъ-досларымызды, авылдасларымызды, ис йолдасларымызды алып кетуьви мен макул болып болмаймыз. Сога халкымызда аявсыз ашшы йойым деп те айтылады.
Бирер аьдемлер яшавга танъ аьсеринде энген куьн ярыгындай энедилер эм сав оьмири узагында тек оьзине тувыл, баска аьдемлерге де оьз шувагын берип, оьзининъ болувы ман дуныяга кайдай ды бир ийгилик, шатлык, йылувлык аькелмеге шалысадылар. Сондай аьдемлер сонъында бизден кетсе де, язда куьн онъган сонъ аспан шетинде коьпке дейим сакланатаган куьн ызына усап, оны таныган эм...
