Оьтип бараяткан йылымызды йолга сала берип, Янъы 2022-нши йылды да тек ийгиликке сенимлигимиз бен, янъы ниетлеримиз бен йолыгамыз.
Новость на родном
Йогары ис етимиси
Кадрия атындагы мектебининъ негизинде уьстимиздеги йылдынъ карагыс айынынъ 14-18-нши куьнлеринде «Йыл окытувшысы-2022» район конкурсы оьтти. «Йыл окытувшысы-2022» шарасында Ногай районынынъ 12 мектебиннен 12 окытувшы ортакшылык этти.
Новость на родном
Альберт Батыргазиев – йыл аьдеми
Быйыл Япониядагы Токиода оьткен XXXII язгы Олимпиада ойынларында россия боксеры, ногай ясымыз, Нижневартовск кала яшавшысы (асылы ман Дагестандагы Бабаюрт районынынъ Геметюбе авылыннан) Альберт Батыргазиев халкымыздынъ тарихинде энъ биринши Олимпиада чемпионы болып, алтын медальди казанды.
Новость на родном
Оьмирлик эс болып сакланар
Яшав деген бизди бирерде неге де коьндиреди, кайдай кыйынлыкка да йолыктырады. Тек биз бир де аявсыз Ажал анъсыздан ийги деген ювыкларымызды, тенъ-досларымызды, авылдасларымызды, ис йолдасларымызды алып кетуьви мен макул болып болмаймыз. Сога халкымызда аявсыз ашшы йойым деп те айтылады.
Новость на родном
Аьдемлердинъ юреклеринде калган
Бирер аьдемлер яшавга танъ аьсеринде энген куьн ярыгындай энедилер эм сав оьмири узагында тек оьзине тувыл, баска аьдемлерге де оьз шувагын берип, оьзининъ болувы ман дуныяга кайдай ды бир ийгилик, шатлык, йылувлык аькелмеге шалысадылар. Сондай аьдемлер сонъында бизден кетсе де, язда куьн онъган сонъ аспан шетинде коьпке дейим сакланатаган куьн ызына усап, оны таныган эм...
Новость на родном
Ойын кызыклы аьлде оьтти
Ногай районында спорт тармагын оьрлендируьвде салдарлы косымын этип келген аьдемлердинъ бириси – «Дагестан Республикасынынъ спорт эм физическая культура бойынша ат казанган куллыкшысы», «РСФСР Гражданлык оборонасынынъ отличниги» деген сыйлы атларга тийисли этилген Зейнулла Магомедович Менлигулов.
Новость на родном
Яхьядынъ оьмир бактысы
(Басы 45, 46, 50-нши номерлерде) Кыстынъ сувык куьнлери аз-маздан кайтып баслайды. Увыт айы келип, уьйкен еллер эсип, болган карды ызанларга, авылдагы азбарларга, тап тавдай этип уьйди. Бердази куьнлери, сосы йыл неге болса да, коьпке созылдылар. – «Увыт айынынъ сувык еллери бир де токтаяк тувыл экен!» – деп Кеусар танъда елдинъ ызылдаганын тынълап, басын шайкайды, терезелерге...
Новость на родном
Суьйген исининъ устасы
Социаллык тармагынынъ куллыкшылары ак ниетли, ярдам этуьв мен байланыслы исти бардырадылар. Сол куллыкты тек танъ эм юмсак юрекли аьдемлер толтырып боладылар. Оларды етекшилеген аьдем ше? Кайдай онынъ касиетлери болмага керек? Онда ясуьйкен, сакат яде баскаларга юрек авырувы, соны ман бирге тыныш болмаган аьрекетти бардырувда керекли кадер катылык та болмага тийисли.
Новость на родном
Бек маьнели аьрекет
Йыл сайын 18-нши декабрьде элимизде ЗАГС органларынынъ куллыкшылары оьзининъ кеспи байрамын белгилейдилер. Сол куьн олардынъ кеспи байрамын белгилеви 1917-нши йылда «О гражданском браке, о детях и о ведении книг актов состояния» декрети кабыл этилуьви мен байланыслы. Быйыл ведомствога 104 йыл толады.
