Оьткен дуьйсемби куьн район администрациясында кезекли йыйын болып озды. Онда район еринде быйылгы 10 айлар ишинде оьткерилген курылыс ислер акында билдируьв мен «Ногайский район» МР администрациясынынъ «ОКС» МКУ директоры Арслан Тангатаров шыгып соьйледи.
Янъыларда, 17-нши ноябрьде, Ногай районынынъ ортакластырылган китапханасынынъ залында «Ногай маданият-тарих континиуумы ортакроссиялык тенълигининъ айырылгысыз кесеги кебинде» деп аталган Халклар ара «тоьгерек столы» оьткерилди. Соны оьткеруьвге оьз ярдамын Ногай район администрациясы эткен. Бу шара ногай халкынынъ тарих эм маданият асабалыгын ортакроссиялык байлыклары эсабында саклавга, Россия халкларынынъ регионлар ара эм этнослар ара байланысларын беркитуьв, аьдетли россия тарих...
Социаллык куллыкшылары бу куьнлерде аз буйымлар толтырмайдылар. Оьзек те, олардынъ ис борышлары деп айтпага болатаганлар да табылар, болса да, олардынъ коьбиси оьзлери канагатлайтаган ясуьйкенлерди, ден савлыкларында кемшиликлери бар аьдемлерге юрек языксынувлары ман карайдылар. Бир ерлерде сол аьдемлер мен социаллык куллыкшылары араларында йылы катнаслык та тувып, ювык аьдемлердей болып каладылар.
Караша айынынъ 28-нши куьнинде Ана куьни белгиленеди. Ана – ол аьр бир тилинде энъ маьнели эм бас соьз болады. Тезден биз энъ бас, аьр бир аьдем уьшин маьнели болган байрамларынынъ бириси – Ана куьнин хош аламыз. Ана бизим аьр кайсымызга да яшавды савгалаган, бизге яшав бойы юрек йылувын берип, кыйын заманларда бизди коршалап, аьр бир...
Д.Шихмурзаев атындагы Кумлы авыл мектебинде коьплеген несиллерди билимлендируьвде салдарлы куьшин салган сулыплы окытувшылардынъ саны аз тувыл. Солардынъ бириси – орыс тил эм адабиаты дерисиннен окытувшы Хадижат Утеген кызы Бурумбаева. Онынъ колында билим алган коьплеген окувшылар, буьгуьнлерде элимиздинъ туьрли муьйислеринде оьз кеспилери бойынша куллык этип, оьз пайдасын тийдирип келедилер.
Янъыларда Кумлы авыл маданият уьйинде «село Кумли» МО администрация аькимбасы Сакинат Магомедовна Елманбетовадынъ яклавы ман яратувшылык кешлиги озгарылды. Ол халкымыздынъ айтылган зейинли шаири Мурат Алибекович Авезовтынъ 70 йыллык мерекесининъ сыйына багысланып оьтти. Конак эсабында бу яратувшылык кешлигинде шаиримиз касында район маданият тармагынынъ куллыкшылары Н.Халилова, С.Курпаева бар эдилер. Шара коьлем аьдемлер катнасувы ман озгарылды: онда ерли...
Ногай районы бойынша хатын-кызлар уьшин медреседе «Марьям» деп аталган клубы аьрекетлейди. Сол клуб ишинде балалар уьшин яратувшылык студиясы да оьз куллыгын бардырады. Оьткен юмадынъ сонъгы куьнинде яратувшылык студиясынынъ етекшиси Ашувхан Сартаева, он бармагы – он алтын кыскаяклы, Савлайдуныялык бала куьнине рас барып, «Оьз атынъды араб тилинде яз» деген мастер-класс озгарды. Шарага келген йырмага ювык кызлардынъ...
Бала баьрине де ортак. Саьбийлердинъ уьстинликлерине куьезленип турамыз, аьр бир инсаннынъ сол зат – яшавынынъ маьнеси. Соьйтип, Эльбике Ирмияевадынъ биринши енъуьвине онынъ баьри кардаш-тувганлары да суьйиндилер. Талаплы кызалак Терекли-Мектеб авыл орта мектебининъ А-Х.Джанибеков атындагы мектебининъ 4-нши классынынъ окувшысы. Эльбикединъ биринши окытувшысы Беризат Кошманбет кызы Кулушева окувшыларына тек билим берип калмай, оларга яшавда аьдемшиликти, аьдилликти, ийгиликти...
Оьнерли балалар – бизим ярык келеектегимиз. Ызгы заманларда сондай талаплы балаларды коьтергишлев уьшин аз патшалык программалар яшавга шыгарылмайды. Сол да оьнерли кызларга эм увылларга айлак уьйкен демевлигин этеди. Уллы тарихи болган ногай халкымыздынъ кишкей кызы Роза Залимхан кызы Колебаева янъыларда миллетининъ атын Россия Федерациясына занъыратып шыгарды. Олай дегенимиз, караша айынынъ басында Москва каласында «Халк саниятынынъ...
Дагестан Республикасынынъ Аькимбасы Сергей Меликов оьткен юмада коронавируслы маразга карсы турув оперативли штабынынъ йыйынында билимлендируьв учреждениелеринде дистанционлы окув кебин киргистуьв бизим республикамызда болмага керек тувыл деген ойын билдирген. Сол тема бойынша «Шоьл тавысы» республикалык газетасынынъ куллыкшысы Г.Сагиндиковага А-Х.Джанибеков атындагы мектебининъ етекшиси Курасхан Джумагельди кызы Ярикбаева оьз ойын билдирген.
