Уллы Аталык согысы элимизге коьп кыйынлыклар аькелди. Баьри халклары ман бирге ногай миллет ясларымыз да ерде де, сувда да, авада да бир сырада элди коршалавга турдылар. Сондай йигитлеримиздинъ бириси – Хусин Имам-Алиевич Абишев. Ол Карашай-Шеркеш Республикасындагы Ногай районынынъ Урак авылында (аьлиги Эркин-Юрт авылы) 1920-ншы йылдынъ сары тамбыз айынынъ 25-нши куьнинде тувган. Авыр бактылы несилиннен болган...
1813-нши йылдынъ 18-нши октябринде орыс аьскер эм онынъ союзниклери Лейпциг туьбинде Халклар урысында Наполеонды енъгенлер.
Мурат Авезовтынъ ятлавлары ман мен биринши кере, алпысыншы йыллардынъ ортасында болса ярайды, «Шоьллик маягы» газетадынъ бетинде таныскан эдим. Ятлавларды окып, олардынъ авторы неше ясында экенин де билген сонъ, олар кайдай оьнер усталык пан язылганына сейир эткеним бу куьнге дейим эсимде.
Ызгы йылларда Дагестан Республикасында, сонынъ санында Ногай районында да, туьрли федераллык эм республикалык миллет проектлерининъ, программаларынынъ яшавга шыгарылувы аркасы ман йыллап йыйылган социаллык маьселелер шешилип барады. Бу ислерге боьтен де Дагестанга етекши болып Сергей Меликовтынъ келуьви янъы куьш косты демеге керек. Ногай районы еринде сонъгы 4 йыллар ишиндеги туьрленислер мен газета окувшылары район аькимбасы Мухтарбий...
Аьр бир кыянатлык уьшин яваплык берилетаганы янъылык тувыл. Кайсы ерде де тийисли йорыклардынъ тутылмаганынынъ ызы ийгилерден болмайды. Ызгы заманларда баьримизге де белгили коронавируслы мараздынъ кенъ яйылувы. Сонынъ алдын шалар уьшин де патшалыгымыз бан аз куллыклар этилинмейди.
Ногай район япсарларында коронавируслы маразды кенъ яйылдырмас уьшин юритилетаган шаралар аьли де бардырыладылар. Ногай районы бойынша Россия МВД боьлигининъ куллыкшылары ман «Ногайская ЦРБ» ДР ГБУ араларында тар байланыс тутылады.
Бу яйылатаган коронавирус маразы тек бизим районымызда, регионымызда, элимизде тувыл, савлай дуныя юзинде куьш алып, тагы да ясарып, кенъ яйылып келеди. Сол кавыфлы маразына карсы турувда биз савлайымыз да биргелеспеге керекпиз.
Халк санын язып алув – ол тек статистикалык сырагы тувыл, ол экономикалык эм социаллык прогнозынынъ алаты болады. Халк санын язып алув – ол Россиядынъ йылязбасы, онынъ тарихи. Маьнели шарадынъ тамамлары тек бизге каратылып калмайды, ол каратылады бизден сонъ яшаякларга да – бизим балаларымызга эм уныкларымызга.
Уьстимиздеги йылдынъ казан айынынъ 19-21-нши куьн- леринде Москва каласында ногай халкынынъ белгили оьнерли увыллары, ДР ат казанган саният аьрекетшиси, суьвретши эм ногай халк авызлама яратувшылыгын йыювшы Сраждин Батыровтынъ эм Насими атындагы премиясынынъ лауреаты, Россия Журналистлер союзынынъ агзасы, белгили шаир Мурат Авезовтынъ мерекелерине багысланган шара уйгынланып оьтти. Шара Ногай миллет адабиатынынъ саклав эм оьрленуьв бойынша фонды...
