Янъыларда, Уллы Енъуьв куьниннен коьп заман оьтпей, Ногай район орталык китапханасында «Биз сизинъ йигитлигинъизди дайым баалаякпыз» деп аталып, Уллы Аталык согысынынъ ветеранлары Муса Аджигайтар увылы Отаровтынъ эм Бадий Явлан увылы Аджигельдиевтинъ 100 йыллык мерекелерине эм эстелигине багысланган тоьгерек стол озды.
Бала баьримизге де ортак. Биревге кыйынлык туьссе, аьр бир инсан коьмек этпеге аьзир экенине тагы да бир кере баьримиз де шайыт болдык. Сондай бир аьлге Ногай районынынъ яшавшысы туьскен болган – уьш ясындагы уныгы квартирадынъ ишинде киртленип калган. Хатын коьмек тилеп Ногай РЭС боьлигининъ етекшисине тел согады.
Курал айдынъ 12-нши куьнинде Савлайроссиялык медсестралар куьни белгиленди. Медициналык куллыкшылардынъ иси дуныяда маьнели эм керекли кеспилердинъ бириси деп саналады. Пандемия заманында олар оьз кайратлы куллыгы ман баьтирлигин коьрсеттилер. Кыйынлы заманда оьз кыйынын, керек болса, яшавын да аямай, медициналык сестралар коьплеген авырувлыларды оьлимнен куткарганлар.
Дагестан Аькимбасынынъ кесек заманга куллыгын юритуьвши Сергей Меликов янъыларда «Диалог» АНО ваькиллери мен йолыгыскан.
Яньыларда Кумлы авыл мектебининъ баславы ман маданият уьйинде белгили аьлим, язувшы, фольклоршы Джалалдин Магомедович Шихмурзаев тувганлы 85 йыллыгына багысланып «Йигит оьлсе, данъкы калар» деп, яратувшылык кешлиги озгарылды. Шарады оьз соьзи мен Кумлы авыл мектебининъ директоры, ана тили эм адабиат окытувшысы К.Нукаева баслады.
Аьр бир инсанга оьз кишкей Аталыгы ювык эм аьзиз болады. Мен де тувган Уьйсалган авылымнынъ аьдемлерин сахнада коьрсем, юрегим оьктемликке толады. Соьйтип, Ногай патшалык фольклор-этнографиялык «Айланай» ансамблининъ артисти Каирбек Кокенеев – асылы ман Уьйсалган авылыннан. «Шоьл тавысы» газетадынъ редакциясына ислемеге келгенше, мен тувган авылымда баслап балалар бавында, сонъ мектебте иследим, сога коьре Каирбек меним тербияланувшым...
Терроризмнинъ кенъ яйылувы да бир политика. Аьдемлер терроризм аркалы ямагатты коркытып, физический корлавга калдырадылар. Терроризмге карсы турувда савлай ямагат биргелеспеге керек. Солай ок, олар ыхтыяр саклавшы органларынынъ терроризмге карсы этилетаган куллыкларын анълап, колтыклав этпеге кереклер. Бизим аьр биримиз терроризмге карсы турув йорыкларды билип, байыр эм ямагат кавыфсызлыкты сакламага борышлы. Биз балаларымызды да сол затлар ман...
2021-нши йылдынъ коькек айынынъ 15-нши куьниннен алып 21-нши куьнине дейим Дагестан Республикасынынъ япсарларында, сонынъ ишинде Ногай районымыз бойынша, ясларымыз туьрли экстремистлик, террористлик куьплердинъ сыраларына яде законга карсы акцияларды озгаратаганлар сырасына кирип кетпес уьшин, «Сенинъ сайлавынъ» деген алдын шалув шара озгарылды.
Коьп йол-юрис йорыклардынъ бузылувынынъ бас себеби – автокоьликлердинъ сиселерининъ каранъалыгы. Олай дегенимиз, коьп автокоьликлердинъ терезелери каранъа этетаган кагытлар ман капланган боладылар, сол себептен автокоьлик айдавшы оьзининъ олтыратаган ериннен йолды ийги этип коьрмей калмага да болады. Боьтен де, автокоьликтинъ терезесининъ каранъалыгы кешки вакытта йолавшыга да, автокоьлик айдавшыга да кавыфлык тувдырады.
Россия Федерациясынынъ Оькимети мен, бизим япсарда авыр коронавируслы COVID-19 инфекциясы кенъ яйылув ман байланыслы болып, бизим яде шет эллердинъ гражданини деген шайытламасы болмаган аьдемлердинъ (ис аьрекетин бардыратаганлар) бизим элде кесек заман турмага болады деген ыхтыярларынынъ заманы созылатаган акында карар алынган. Сол мараздынъ яйылувы ман байланыслы болып, Россия Федерациясынынъ Оькиметининъ кабыл этилинген карарына коьре, шет эллердинъ...
