Бу йылдынъ кырк кийик айынынъ 7-нши куьниннен алып 10-ншы куьнине дейим Дагестанда «Ак турналар» деген Гамзатов куьнлери оьтееклер. «Ак турналар» деген Гамзатов куьнлерин уйгынлав Дагестаннынъ вице-премьери Анатолий Карибовтынъ етекшилиги астында каралды. «Юнеско» белгиси бойынша оьтеек амалламада йыл сайын Россиядан эм шет эллериннен коьплеген конаклар йыйыладылар. Амалламадынъ официаллык ашылувы Расул Гамзатов атындагы Махачкаладынъ 50- нши номерли...
Ногай районынынъ Уьйсалган авылынынъ мектебининъ окувшылары исси ас пан аьжетсизленген, авылда янъы ас асув меканы кулланувга берилеек.
Кырк кийик айынынъ 9-ншы куьни календарь бойынша ярасыклык куьни деп белгиленген. Бу байрамнынъ белгиленуьв оьлшеми айлак уьйкен болмаса да, терен маьнеси бар. Аьдем кырыннан ярасык болып калмага керек тувыл, онынъ ишки дуныясы да таза ниетли, ойлы болмага тийисли.
Йыл сайын 8-нши сентябрь куьнинде 1812-нши йылда Михаил Кутузовтынъ етекшилиги мен орыс армиясы Наполеон Бонапарттынъ француз армиясы ман Бородино еринде согысканы белгиленеди. Бородино согысынынъ куьни 1995-нши йылда «Россиядынъ аьскершилик эм эстеликли куьнлери акында» деген Федераллык законы ман беркитилген.
Оьткен юма 2-3-нши сентябрь куьнлеринде Ногай районнынъ мектеблериндеги 2-11-нши классларында «Енъуьв дерислери», 7-11-нши классларында «Экинши дуныя согысынынъ дерислери» , 8-11-нши классларында «Уллы элдинъ уллы киносы» деген фильмди каравлар болып озганлар.
Уьстимиздеги йылдынъ сары тамбыз айынынъ 27-нши куьниннен алып кырк кийик айынынъ 11-нши куьнине дейим Дагестан Республикасында сонынъ ишинде Ногай районымыз бойынша да «Оьспир 2020» алдын шалув операциясы озгарылады.
2021-нши йылда Россия Федерациясында халк санын язып алув оьтеек.
Уьстимиздеги йылдынъ кырк кийик айынынъ 11-нши куьниннен алып 13-нши куьнине дейим «Ногайский район» МР авыл поселениелерининъ депутатлар йыйынына депутатларды сайлав озгарылаяк. Сол куьнди рахатлыкта озгарар уьшин саклык тутпага керек болады.
Республикамыздынъ Ногай районында туьрли миллет ваькиллери аьел курып, балалы-шагалы, наьсипли, онъайлы болып, сый-абырай казанып, татымлыкта яшав суьрип келедилер. Сондай аьеллердинъ саны да аз тувыл, олардынъ бириси болады, ногай яс Азиз эм даргин миллетли хатын Фатима курган Муллаевлердинъ аьели. Яс аьел курылганлы мине казан айынынъ 17-нши куьнинде 5 йыл болады.
Дагестан тек бизим элимиз Россияда тувыл, савлай дуныяда энъ де коьп миллетли республика болады. Мунда 40-ка ювык миллетлер тил бирликте, тыпаклыкта яшайдылар. Олар бир атадынъ увылларындай болып, ерине яв шапкынлык эткен заманларда, биргелесип карсы турганлар. Сол бирликте бизим куьшимиз эм оьктемлигимиз.
