Дагестан Республикасынынъ Халк Йыйынынынъ депутаты Мурат Зулькапий улы Мамаев солай ок республика парламентиндеги Курылыс, ЖКХ, коьлик эм байланыс бойынша комитетининъ де председатели. Янъыларда газетадынъ оьз хабаршысы бу яваплы Комитеттинъ кеткен йылда юриткен куллыклары, алдыдагы планлары, депутатка районымыздынъ сайлавшылары берген тапшырмаларын ол калай толтырувы акында оны ман хабарласув оьткерген.
2-нши февраль айында Россиядынъ аьскершилик данъкынынъ куьни – 1943-нши йылда Сталинград туьбинде совет аьскерлерининъ немец-фашист аьскерлерине карсы согысы толы енъуьв мен кутылган.
Савлай Россия студентлери тек янъыларда оьз байрамын карсы алдылар. Уьстинликлер мен байрамшылады сол куьнди бизим ердес кызымыз Алтынай Байманбетова. Кызалак Ессентуки Сырт-Кавказ финанс-энергетикалык техникумында «юриспруденция эм реклама» факультетинде окыйды.
Дагестан Республикасында «Ногай тарих-маданият асабалыгы – ортакроссиялык байлыгынынъ салдарлы кесеги» деген тема бойынша илми-практикалык конференция озгарылаяк. Илми форумды озгарув керек деген ой ман «Ногайский район» МР администрациясынынъ аькимбасы Мухтарбий Аджеков, «Ногайский район» МР Депутатлар йыйынына билдирген.
Оьткен йылдынъ ызгы айы уллы ногай шаири Гамзат Аджигельдиевтинъ эстелигине, онынъ тувган куьнине багысланып озды. Аьр бир билимлендируьв учреждениесинде талаплы шаирге багысланган шаралар озгарылдылар.
Ямагат аьрекети мен белгили болган «Русское радио» деген Россиядынъ миллет радиостанциясы, Сургут каласынынъ еринде «Созвучие» деген проекти бойынша оьткен сав 2019-ншы йыл бойы тынълавшыларды каладагы аьрекет этетаган туьрли ямагат биригуьвлерининъ маданияты эм аьдетлери мен таныстырып келди.
Ногай ЦРБ бас врачы Фаризат Межитова Россия Президенти Владимир Путиннинъ Язбасыннан сонъ оьз ойы ман боьлиседи:
Яшав кайсы заманларда да бир еринде турмаган, йыл сайын, куьн сайын туьрленип келген. Оны ман бирге бизим школа, окытувшы эм окувшы да туьрленеди. Ама бир зат дайым да еринде калады – ол окытувшыдынъ куллыгынынъ бас маьнеси. Балаларга билим беруьв эм оларды тербиялав. Мен оьз макаламды ис йолдасым Салимет Баймурза кызы Аджигельдиева акында айтпага суьемен.
Тотайхан Елакаева – газетамыздынъ типографиясынынъ алдынгы куллыкшыларынынъ несилиннен. Ол мунда ислеген йылларда район орталыгынынъ яшавшылары типографиядынъ куллыгы тек куьндиз тувыл, тап туьнги 12, бирерде танъгы 3-4-ке дейим де бардырылганы акында аьлиге дейим эскередилер. Сол эскеруьвлерде типография куллыкшыларынынъ куллыгы акында легенда кимик айтылады.
Куьнделикте – ногай тил маьселеси ___________ Бу куьнлерде ногай тилди саклав маьселеси айлак оьткир болып турады. Тиллердинъ доьнуьвининъ аьлиги шугыллыгына коьре, бир-эки несиллердинъ арасында ногай тил йойылатаган тиллердинъ сырасына киреди. Тувган тил аьелден кетеди. Бу куллыктынъ мырады – глобализация эм тиллердинъ айырымланув аьллеринде тувган тилди саклавга амал беретаган негизли себеплерди ашып белгилев.
