Кырк кийик айдынъ биринши куьни баьри район яшавшыларына уьйкен байрам болады. Коьплеген окувшылар, сол санда янъы биринши кере мектебке баратаганлар да бар, олардынъ колларыннан етип баратаган ата-аналар да орамларга ярасыкланып шыгадылар. Сол куьнди аян байрам кебинде озгарар уьшин Ногай районымыз бойынша Россия ОМВД куллыкшылары ис борышларын намыслы толтырадылар. Олар гражданлардынъ кавыфсызлыгын саклар уьшин баьри куьшлерин...
Оьзининъ келимлери акында билдируьвлер этпегеннен себеп, Тарумов район йыйынынынъ 8 депутатлары депутатлык ыхтыярыннан тайдырылганлар. Район прокуратурасы депутатлар ман оьткен йыл ишиндеги келимлери, карыжлары, уьй муьлки эм оьзине, ян косагына, ясы етпеген балаларынынъ уьстине язылган уьй муьлки борышлары акында аьризелери берилмегени аянланган Депутатлар йыйынынынъ председателине законды бузганлардынъ депутатлык ыхтыярыннан заманы етпей тайдырылувы акында сорав каралганы билдирилген....
2019-ншы йылдынъ сары тамбыз айынынъ19-ншы куьнинде Бабаюрт районынынъ Геметюбе авылынынъ «Авылым меним – тувган ерим» деген аты астында 250 йыллык мерекеси шатлыклы аьлде байрамшыланды. Шатлыклы байрамда Бабаюрт, Ногай эм баска конъысы районларынынъ, авылларынынъ, солай болып Турция элининъ ваькиллери ортакшылык эттилер. Сол куьн авылдынъ ямагат яшавында белсенли аьрекет эткен ясуьйкенлери, яслары, алал исшилери белгиленип, сый-оьрметке тийисли...
2019-ншы йылдынъ оьткен ярым йылы ишинде Россия Федерациясынынъ йолларында 133203 йол-юрис йорыклардынъ бузылувлары болганлар. Солар бойынша 16,6 мынъ аьдемлердинъ оьмирлери уьзилгенлер, сол санда 582 ясы етпегенлер. Яраланганлар да аз тувыл, олардынъ саны – 168146 аьдем, сол санда – 15860 ясы етпегенлер.
Аьдем яшавында оьспир шагы энъ де маьнели эм кыйын шаклардынъ ишине киреди. Бизим баьримизге де белгили болганлай, оьспир шагы, коьбисинше, бек кыйын да оьтеди. Сол шак 10-13 яслардан алып 17-18 ясларга дейим созылады. Сол шакта балаларга уьйкен маьне берип те карамага керек, солай болмаганда, сизинъ аьруьв баланъызга кыйын оьспир болувга бир адым калады…
Аьдемнинъ байлыгы – аьел. Куванышлы эм кайгылы куьнлерде ол бизим янымызга эм болады, аьвлетлеримизди коьрсек, баьри мунълы ойлар да шашылады. Сондай аьел деп Эдиге авылда яшайтаган Болатовлардынъ аьелин санамага болады. Бу аьелдинъ басы Курман Иса улы Болатов коьплеген йыллар районда дережели орынларда ислеген, сол йылларда ол маданият тармагында да куллык эткен.
1945-нши йылдынъ язлыгы. Совет халкы гитлерши Германияды енъип турган заманлар. Аьдемлердинъ коьнъиллери де шат, сол шаклы кыйынлыкларды басларыннан оьткердилер, энди болса, баьри зат та артта. Аьдемлер мен бирге табиат та янланды, Ногай шоьли туьрли туьсли оьсимликлерге толды. Мине сол наьсипли куьнлеринде окытувшы Залимхан эм Мутлихан Межитовлардынъ аьелинде тунгыш бала Сраждин де тувган.
2019-ншы йыл Ногай районымызга мерекели йыл, неге десе районымыз туьзилгенли 90 йыл толады. Тарихи онынъ бай, кызыклы. Районымыз аьлемет аьдемлердинъ бактысы ман да бай. Солардынъ биреви акында газета окувшыларым ман боьлиспеге суьемен. Мариана Гамзатовна Гаджиева Карагас авылымда элли уьш йылдан бери яшайды. Авылшылар суьйип, ога «Тетя Мариана» деп айтадылар, а авыл тарихинде биринши тис эмлев...
Терекли-Мектеб авылында Ногай районынынъ 90 йыллыгына багысланган шаралар оьткерилуьвине аьзирлик коьрилеятырганын баьримиз де коьремиз. Сол аьзирлик коьруьв ислери мен авыл басшысы оьз куллыкшысы ман Баьтирлер Аллеясына келип турганын коьрип, янаспай болмадык. Куллыклар кайтип юритилип турганы акында соравды биз «село Терекли-Мектеб» СП МО аькимбасы Зейдулла Курман улы Аджибайрамовка берип, оны ман хабарластык. – Тезден савлай халкымыз...
Дагестан Республикасынынъ бас каласында эм савлай муниципалитетлерде Дагестан япсарларында бандтуьркимлердинъ бузгышланувына 20 йыл толувына багысланган шараларды озгарувга аьзирлик коьруьв акында йыйын болып озган. Махачкалада озган йыйында Дагестан Республикасынынъ Оькиметининъ Председателининъ Биринши орынбасары Анатолий Карибов эм ДР Маданият министерствосынынъ етекшиси Зарема Бутаева ортакшылык эттилер. Анатолий Карибовтынъ билдируьвине коьре, бу оьзгериске багысланган шаралардынъ белгиленуьвинде федераллык тармаклардынъ ваькиллери...
