«Владимир Соловьев пан кешлик» деген телеберуьвде Европарламентте Казахстан элининъ яшавшысы Курманакаев деген бирев россия патшалыгына карсы яман соьзлер айткан. Телеберуьвдинъ юритуьвшиси оны ногай миллет барысынынъ ваькили деп айтканга коьре, биз, Россия ногайларынынъ ямагат организациялары, сондай шыгып соьйлевге явап бермеге керекпиз.
Ногайлар арасында белгисиз болган Курманакаевтинъ Европейский парламентте шыгып соьйлеви бизим алдымызга коьплеген соравлар салады. Энъ де бириншиси, неге Соловьев оьзининъ телеберуьвинде, сол соьйлевдинъ ызына шыкпай, сол аьдемди ногай халкынынъ козгалысынынъ ваькили деп айтады. Ол аьдемнинъ бизге бир катыслыгы да йок, ол ногай козгалысынынъ ваькили тувыл, Курманакаев Казахстан элинде яшайды, хытыны да – казах миллетли. Европарламентке...
Янъыларда Европарламентте киши халклар форумы деп аталып озгарылган кайдай да бир йыйылыста белгили тувыл миллет козгалысынынъ ваькили деп оьзин билдирип, Анвар Курманакаев атлы инсаннынъ сонъында авыр кыйынлыкларга аькелмеге болаяк аьрекетликке ногай халкын киристирмеге ниетленип язган шакырувы соцсетьлерде буьгуьнлерде ортага салынып ойласылады. Аьдемлер оьз ойлары ман боьлиседилер, онынъ айтканын унамайдылар эм каты айыплайдылар. Ногай халкынынъ ваькиллери,...
Согыс спецоперациясы юрген ерде Аталыкты саклавшыларынынъ коьрсеткен йигитликлери, йигерлиги бизге уьйкен оьктем. Олардынъ аьр бириси, намарт нацистлериннен Украина яшавшыларын коршалап, тынышлык яшав уьшин куьресип, алдында салынган борышларын яваплы толтырып келедилер. Буьгуьнги хабарым да оьз йолдаслары ман бирге Элимиздинъ кавыфсызлыгын канагатлап келген аьскерши ердесимиз акында болады.
Биз баьримиз де бир заман бала болганмыз. Топарласып, туьрли ойынлар ойнайтаган эдик орам балалары ман, шоьлге кететаган эдик, камбакты ягып, ералма писирип, кой багатаган эдик, бир-биримиз бен досласатаган эдик. Сол кайгысыз балалык кетип калды. Буьгуьнлерде увылларымыз колларына савыт-садак алып, элимизди коршалап турганда, сол заманлардынъ кайдай ийги болганын сеземиз. Тек бизге тувыл, нацизм мен СВО сырасында...
Ногай районынынъ Червленные Буруны авыл яшавшысы Мурат Сариевке былтыр 25-нши сентябрьде мобилизацияга шакырув акында кагыт бергенде, ол соны шынты гражданиннинъ эм эр аьдемнинъ борышы деп дурыс анълады. Бирден адалаган эм мунъайган анасынынъ коьзлерине тувра карап: «Йок, анам, шакырган сонъ барув керек, буьгуьн эндигиси Тувган Элди коршаламага бизим заман келген болар», – деди.
Дагестаннынъ Счетная палатасы озгарган кенъесте ДР-нынъ Курылыс министерствосы бойынша миллет проектлерди яшавга шыгарылувынынъ сапатлыгына баа берилди. Кенъес барысында ДР Курылыс министерствосы бойынша миллет проектлерин яшавга шыгарылув сырагылары акында Счетный палатасынынъ ойын эсапка алув ман, ДР премьер-министри Абдулмуслим Абдулмуслимов курылаяткан социаллык объектлерине тергев салув яктан муниципаллык туьзилислер юритетаган аьрекети мен макул тувыл экенлигин билдирди.
Ногай район аькимбасы Д.Эсиргепов та боксер Альберт Батыргазиевти рингта етискен енъуьви мен ак юректен кутлады. – Альберт Батыргазиев кеспили рингте сенимли аьлде тагы да бир енъуьвге етисти! Оьз енъуьвлери эм титуллары ман ол алдында мырады барын эм кыйын салув ман кайдай мыратка да етиспеге болаягын шайытлады. Сол ойы онынъ Токиода енъуьвге етискен сонъ айтканында да...
Бу куьнлерде Ногай район яшавшылары Аталыкты коршалавшылар куьнине рас барув ман «Аталыгымыздынъ аьскершилер аьеллерининъ Комитети» деген Савлайроссиялык организациясынынъ региональлик боьлиги мен билдирилген «Ян йылувлыгы» акциясына киристилер. Онынъ акында Ногай район администрациясындагы Хатын-кызлар советининъ председатели Асият Манкаева билдирди.
Кеше, 4-нши февральде, Москвада уьшинши савлайроссиялык боксерлар форумы ишинде Токио-2020 Олимпия чемпионы, кеспили рингте бир де енъилмеген боксер Альберт Батыргазиев Панама элининъ ваькили, WBA экс-чемпионы Хесреэл Корралес пен йолыгысты. Кеспили спортсменлердинъ бокс бойынша куьресуьв 10 раунд эсабында оьтпеге керек эди, ама ол заманыннан алдын тамамланды. Боксерлар рингте сав дуныялык аты болган Альберт Батыргазиевти кезекли енъуьвге...
