Келеяткан янъы 2023-нши йылда бизим элимиз Сталинград согысында совет аьскерлерининъ немец-фашист аьскерлерин енъуьвининъ 80 йыллыгын шатлыклы кепте белгилеек.
Новость на родном
Аьскершилер аьеллерин яклав – бас орында
Янъыларда Ногай район администрациясында муниципалитет етекшисининъ орынбасары Баймагомед Ярлыкаповтынъ басшылыгы ман, «Биз бирге» республикалык акциясын яклап, Россия япсарларын явдан коршалайтаган аьскершилердинъ эм согыс спецоперациясында катнасувга оьз эрки мен кеткенлердинъ аьеллерине коьмек этуьв район Штабынынъ кенъеси озгарылды. Онда йогарыда белгиленген штаб ваькиллери, ямагат организациялар ортакшылык эттилер.
Новость на родном
Сени енъуьв мен куьтемиз
Терекли-Мектеб авылынынъ А-Х.Джанибеков атындагы мектебининъ 5-нши классынынъ окувшысы Алан Тулумбаев сочинение язган, ол оьзининъ авылдасы, Батыр-Мурза авылында тувган Даниял Шандиевке соьзин каратады. Даниял аьлиги заманда Украина еринде оьтип турган специальли согыс операциясында катнасады. Ол язады: «Мен бу хатты Даниял Шандиевке язаман. Украина еринде спецоперация басланганда, ол оьз Аталыгын коршаламага кеткен. Даниял Шандиев – батальон командири,...
Новость на родном
Ийгиликтинъ хатлары
Буьгуьнлерде савлай Россия бойынша «Аьскершиге хат» деген акция оьтеди. Специальли согыс операциясында катнасатаган аьскершилер элимиздинъ туьрли муьйислериннен келип турган хатларды суьйинип окыйдылар, неге десе олар ийгиликтинъ элшилери боладылар. Кашан да, бизим аьскершилеримизге кыйынлы, сога коьре каты согысувлардан сонъ, тыныклыкта сенимликтинъ, ийгиликтинъ сыдыраларын окымага оларга бек куванышлы. Кайсы ерден келсе де, хат тувган ерининъ йылувлыгын аькеледи....
Новость на родном
Балалар Москвага бараяклар
Оьткен киши юма куьн мобилизация ман шакыртылган ясларымыздынъ аьеллерине коьмек этуьв бойынша район Штабынынъ кенъесинде сол ердеслеримиздинъ балалары Москва каласына экскурсияга бараягы белгили болды. Бу шара «Биз бирге» республикалык Штабынынъ демевлиги мен озгарылады.
Новость на родном
Койшылык усталары акында
Зекарья Шомаров Ис Данъкы орденининъ толы иеси Зекарья Кошер улы Шомаров 1930-ншы йылдынъ 28-нши ноябринде Караногай районынынъ Сылув-Тоьбе авылында йыныслы койшылар аьелинде тувган. Он уьш ясыннан алып атасына кой бакпага ярдамласкан. 1963-нши йылдан алып 1991-нши йылга дейим «Червленные буруны» патшалык заводында койшылар бригадасын етекшилеген. Онынъ бригадасы хыйлы йыллар узагында уьйкен ис уьстинликлерине етисип келген.
Новость на родном
Батир Карагулов-Социалист Истинъ Баьтири
Батир Карагулов Батир Карагуловтынъ ис аьрекети де бек яслай, аьли де ерли байларда куллык этуьвден басланган. Ол да 1928-нши йылда айтылган «Червленные буруны» совхоздынъ койшысы болып, тукымлы койлар оьстируьвши хозяйстводынъ туьзилуьвине ис уьлисин коскан.
Новость на родном
Ногай халктынъ оьктемлиги- Социалист Истинъ Баьтирлери Сабутовлар
Кадыр Сабутов та белгили койшы Янмурза Сабутовтынъ увылы. Ол 1953-нши йылдан алып тувган «Червленные буруны» патшалык заводында ислеп баслаган. Онынъ сав ис оьмири «Грозненский меринос» йыныслы койларды оьстируьвге багысланды. Кадыр етекшилик эткен койшылар бригадасы коьп йыллар узагында бийик ис етимислерине етисип келген.
Новость на родном
Ата-анадынъ куьези
Балалар етимислерге етсе, баьримизге де уьйкен куьез болады, боьтен де ата-анага.
Новость на родном
Яс шахматистлер ярысы
Ногай район еринде, Ана куьнине багысланып, яс шахматистлер ара турнир озгарылды. 27-нши ноябрь куьнинде район орталыгы Терекли-Мектеб авылынынъ халк яратувшылык орталыгында шахматлар бойынша олимпиада болып озды. Онда бу интеллектуальли ойыны ман 3 айдан артык тувыл заман каьрлевши окувшылар ортакшылык эттилер.
