Окытувшылар катнастылар

2019-ншы йылдынъ коькек айынынъ ишинде Каспийск каласынынъ 1-нши номерли орта мектебинде республика бойынша социаллык-педагоглардынъ эм педагог-психологлардынъ слеты оьтти.

Слет Дагестаннынъ Билимлендируьв эм илми министерствосынынъ демевлик этуьви мен озгарылды. Слетта Тарумов районыннан доьрт окытувшылары катнастылар.

Ново-Дмитриевка авыл орта мектебиннен педагог-психологы Софият Беккишиева, Таловка орта мектебиннен педагог-психологы С.Дрокина, Раздольевская орта мектебининъ педагог-психологы З.Магомедова, Калиновка орта мектебиннен социаллык педагогы Ш.Мирзаева.

Шарада Дагестаннынъ педагоглар ассоциациясынынъ президенти А.Байрамбекова, Психологлар эм социаллык педагогларынынъ ассоциациясынынъ етекшиси Ф.Алиева, психология кафедраларынынъ доцентлары оьз докладларын окыдылар.

Оннан сонъ слет катнасувшылары туьрли айырым сабаклары бойынша куллыгында, айтпага, мастер-классларда, педагогикалык годеканларында, класс саьатлеринде ортакшылык эттилер.

Слеттынъ сонъында баьри катнасувшыларына да республикалык маьнеси болган сертификатлары тапшырылды.

Суьвретте: слет катнасувшылары.