Янъыларда «Ногайский район» МР администрация аькимбасы Мухтарбий Аджековтынъ «Ногайский район» МР администрациясынынъ М.К.Курманалиев атындагы Куьнбатар ортак билимлендируьв мектеби» муниципаллык казенный билимлендируьв учреждениесининъ етекшисининъ ис орынына кандидатлардынъ аттестациясын оьткеруьв акында» деп аталган токтасы кабыл этилинген.

Айтылган токтас «Россия Федерациясында билимлендируьв акында» деген 29.12.2012-нши йылдагы 273-нши номерли Федераллык законынынъ 51-нши статьясынынъ 4-нши кесеги, «Ногайский район» МР администрациясынынъ аькимбасынынъ «Ногайский район» МР администрациясынынъ муниципаллык билимлендируьв учреждениесининъ етекшисининъ ис орынына кандидатлардынъ аттестациясын оьткеруьвдинъ йорыгын эм заман болжалларын беркитуьв акында» деген 217-нши номерли 10.09.2018-нши йылдагы токтасы ман келисли аьлде муниципаллык казенный билимлендируьв учреждениелерининъ етекшилерин сайгаластырувдынъ эм орынластырувдынъ пайдалыгын арттырув ниетте кабыл этилинип алынган.

«Ногайский район» МР администрациясынынъ аькимбасы М.Аджековтынъ алган токтасына коьре келеяткан 2020-ншы йылдынъ 24-нши канътар айында «М.К.Курманалиев атындагы Куьнбатар ортак билимлендируьв мектеби» МКОУ етекшисининъ ис орынына кандидатлардынъ аттестациясын оьткеруьв каралган.

Сол аттестацияды оьткеруьв уьшин тоьмендеги сырасы ман аттестациялав комиссиясы туьзилген:

Ярлыкапов Б.А. – «Ногайский район» МР администрациясынынъ аькимбасынынъ ямагат кавыфсызлык бойынша орынбасары, комиссия председатели;

Агаспарова А.Д. – «Ногайский район» МР администрациясынынъ билимлендируьв боьлигининъ начальниги, комиссия председателининъ орынбасары;

Отарова И.М. – «Ногайский район» МР администрациясынынъ кадрлар бойынша бас специалисти, комиссия секретари;

Комиссия членлери:

Нукаева Э.А. – «Ногайский район» МР администрациясынынъ юридический соравлар эм АТК аьрекетин канагатлав бойынша боьлигининъ начальниги;

Байманбетова А.Б. – «Карасув ортак билимлендируьв мектеби» МКОУ директоры;

Аюпова З.З. – билимлендируьв куллыкшыларынынъ профсоюзынынъ РК председатели;

Шандавова У.Д. – «Ногайский район» МР Депутатлар йыйынынынъ дайымлык негизинде депутаты.

Токтаста белгиленген аттестацияды оьткеруьв акында «Шоьл тавысы» республикалык газетасынынъ бетинде, «Ногайский район» МР, район билимлендируьв боьлигининъ, «М.К.Курманалиев атындагы Куьнбатар ортак билимлендируьв мектеби» МКОУ официаллык сайтларында баспаланаягы акында билдириледи.