Атаклы спортсменлер Ногай районынынъ Терекли-Мектеб авылында орынласкан 2-нши номерли балалар уьшин спорт школасында, яслар уьшин мастер-классын озгардылар. Шарада спорт метеблерининъ тербияланувшылары, тренерлер, спорт суьювшилери катнастылар. Мастер-класстынъ барысында белгили куьресуьвшилери йыйылганлар ман бир неше оьзлери каьрлейтаган спорт кеплерининъ сыхырлыгы ман боьлистилер. Йыйылганлар чемпионларды тек коьрип калмай, оларга спорт бойынша кызыксынган соравларын берип, толы явапларын алдылар. Мастер-классын коьрсетип болып, белгили спортсменлери ясларга спорт тармагында етискен бийик етимислери акында айттылар эм оларга кайсы баславларында да уьстинликлер сагындылар.

Сол куьннен алып, Ногай районынынъ Терекли-Мектеб авылында орынласкан 2-нши номерли балалар уьшин спорт школасы Олимпиада чемпионы Альберт Батыргазиевтинъ атын официаллы кебинде юритип баслады.
Шарадынъ сонъында йыйылганлар сыйлы конаклар ман эстеликке суьвретке туьстилер.
Соьйтип, Альберт Батыргазиев атындагы 2-нши номерли балалар уьшин спорт мектебинде оьткен мастер-классы йогары коьнъилде тамамланды.
Г.Нурдинова.