Савлайроссиялык халк санын язып алувы 2020-ншы йылдынъ 1-31-нши октябринде оьтпеге керек эди, ама янъы коронавируслы юкпалы маразынынъ пандемиясы оьз туьрленислерин этти.

Россия Федерациясынынъ Оькимети Савлайроссиялык халк санын язып алувын (ВПН) 2021-нши йылдынъ кырк кийик айында озгармага карар алган. Бу заман эпидемиологиялык аьллер ийгиленер деп каралады.
Ногай район администрациясынынъ аькимбасынынъ 165-нши номерли токтасы ман (28.06.2019 й.) Халк санын язып алув – 2020 озгарув бойынша район комиссиясы туьзилген, сондай комиссиялар районнынъ 10 авылында да туьзилген. «Ногайский район» МР еринде ВПН-2020 -га аьзирленуьв эм озгарув бойынша план беркитилген, сонда мунавдай соравлар киреди:
– авылларда уьйлердинъ азбарларына орамлардынъ атлары эм номерлери язылмага тийисли;
– халк санын язып алувында кулланылган туьрли кагытларын сакланар эм яшавшылардан билдируьвлер йыйнаган аьдемлер ислер уьшин муьлки, байланыс амаллары эм туьскен отты тымгыстувда кулланмага болган алатлары болган меканлар излестируьв.
«Ногайский район» МР еринде ВПН-2020 озгарув планына келисли, 35 счетный, 6 переписной эм 6 стационарный участоклар уйгынланган.
«Ногайский район» МР-да переписной эм стационарлы участокларды бир меканга киргистпеге ниетленеди: биринши номерли – МФЦ меканында, экинши номерли – статистика боьлигининъ, уьшинши номерли – Карагас авылынынъ маданият уьйининъ, доьртинши номерли Червленные Буруны авылынынъ – маданият уьйининъ, бесинши номерли – Кумлы авылынынъ авыл советининъ, алтыншы номерли Нариман авыл советининъ меканларында болаяк.