Бу куьнлерде бизим савлай дуныямыз сол аьдем яшавына бек кавыфлы коронавируслы маразы ман да яшап туры. Медицина куллыкшылары ман аян куьшли куьрес те юритиледи. Оларга аьр бир аьдемнинъ яшав оьмирин саклав уьйкен енъуьв болады.

Мараз бизим яшавымызга киргеннен алып заьлимдей заман да озып барады. Коьп ерлерде тыйдажылыклар да салынды. Оьзек те, аьдемлер мен, ювыклар ман тар катнасып калганларга, авырув ман байланыслы болып салынган кагыйдаларды тутув тынышлардан тувыл. Амал йок. Аьдем яшавы баьри заттан да баалы, ден савлыкты саклав уьшин оьзимиздинъ уьйренген аьдетлеримизди де койып турмага болады.
Савлык баьри заттан да маьнели болады. Савлыкты саклар уьшин, яшав оьмирге кавыфлык тувдыратаган коронавируслы маразга карсы, аьлимлердинъ куьш салувы ман шыгарылган вакцинады аьр бир аьдем алмага керек болады. Сол бизим буьгуьнги савытымыз.
Ногай район орталык больницасынынъ инфекционист врачы Аклима Нургушиевадынъ билдируьвине коьре, бизим районымыз бойынша 6225 аьдем вакцинадынъ биринши кезегин эм 5509 аьдем экинши кезегин алганлар.
Аьли уьшин бизде аьллер осал тувыл, ама саклык тутув, оьз савлыгымыз акында ойлав – бизим бас борышымыз.
Оьз савлыгымыз–оьзимиздинъ колымызда.
Г.Курганова.