Бу йылдынъ караша айынынъ 26-ншы куьнинде Кадрия атындагы мектебининъ 5 «б» классында «Ана деген аты ман маьлиек» деген шарасы уйгынланып оьтти. Шарадынъ бас мырады – аналар эм балалар арасында эдаплык йылувлыкты туьзуьв, аналарга сый эм разылык сезимлерин билдируьв, суьйимди тербиялав эди.

Шарады 5 «б» класс етекшиси Эльмира Аджимуллаева юритти. Ярасык кийинген окувшылар, конакка шакырылган аналар, туьрли шарлар ман ярастырылган класс байрам шарасына уьйкен коьнъил косты. Баслап шарага йыйылганлар ана акында энгимеди эм аналардынъ суьвретлери мен ярастырылган видеокоьрсетуьвин карадылар. Оннан сонъ класс окувшылары ана акында ятлавларды окымыслы кепте окыдылар.
Туьрли ярысларын, айтпага, «Меним анамнынъ суьврети», «Анамнынъ аты», «Анага багыслап» эм сондай баска кызыклы ойынларын уйгынлап озгардылар. Ярысларда эм ойынларда окувшылар да эм аналар да белсенли катнастылар. «Анам меним дуныяда энъ де ийги» деген йырын да йырлап эситтирдилер. Шарадынъ сонъында окувшылар аналарына оьз коллары ман ясаган савкатларын савгаладылар.
Соьйтип, Аналар куьнине багысланган шара онда йыйылган аналардынъ эм окувшылардынъ коьнъилине уьйкен йылувлык косып, йогары коьнъилде оьтти.
Г.Нурдинова.
Суьвретте: шарадан коьринис.