Кырк кийик айдынъ биринши куьни баьри район яшавшыларына уьйкен байрам болады. Коьплеген окувшылар, сол санда янъы биринши кере мектебке баратаганлар да бар, олардынъ колларыннан етип баратаган ата-аналар да орамларга ярасыкланып шыгадылар. Сол куьнди аян байрам кебинде озгарар уьшин Ногай районымыз бойынша Россия ОМВД куллыкшылары ис борышларын
намыслы толтырадылар. Олар гражданлардынъ кавыфсызлыгын саклар уьшин баьри куьшлерин де саладылар. Уьстимиздеги йылдынъ кырк кийик айынынъ биринши куьнинде районымыздынъ баьри мектеблеринде де шатлыклы шаралар озгарылаяклар, сол шараларда полиция куллыкшылары да ортакшылык этеек.
Билимлер куьнин кавыфсыз озгарар уьшин, кавыфсызлыктынъ бир неше йорыкларын билмеге эм тутпага керек болады. Балалар йолды кайтип оьтпеге керегин билмеге керек боладылар. Сол затларга ата-аналар себеплик этпеге борышлылар. Олар балаларына мектебке дейим кавыфсыз йолды коьрсетпеге кереклер. Солай ок балаларга йолда таныс болмаган аьдемлер мен соьйлемеге, ят автокоьликке минмеге, оларга яшайтаган ерининъ адресин айтпага ярамайтаганы акында да айтпага керек болады. Коьлем аьдемлер йыйылып, озгарылатаган шаралардынъ барысында уьйкен аьдемлер тоьгерек якларына карап, иесиз яткан дорбаларга, оралган затларга уьйкен маьне берип карамага кереклер.
Эгер сиз сондай затларды коьре калсанъыз, тез аьрекетте полиция куллыкшыларына 02 номерли телефонга тел согынъыз, иесиз яткан
затка колынъыз бан тий менъиз, янынъыздагыларга да тиймеге ыхтыяр берменъиз. Иесиз алатты коьрген заманынъызды да язынъыз, аьдемлерди де сол алаттан армаган тайдырмага да шалысынъыз.
Аявлы бизим Ногай район яшавшылары, саклык тутынъыз, поли-
ция куллыкшыларынынъ айткан соьзлерине яваплылык пан каранъыз. Орамлар ман юрип, тергевлер озгаратаган полиция кул-
лыкшыларынынъ соравларына явапланъыз, сол шаралар баьриси де сизинъ кавыфсызлыгы-нъыз уьшин озгарыладылар.
Солай ок, Федераллык законга коьре, мектеблердинъ, балалар бавларынынъ, спорт учреждениелерининъ япсарларында таьмеки тарткан, аракы
ишкен аьдемлерге юрмеге ярамайды.
Саклыкты, тазалыкты тутув – бизим маданиятымыздынъ дережесин коьрсетеди. Алдымызда
– янъы окув йылы, соны да байрам кимик йолыгайык.
А.Рахмедов
Ногай районы бойынша Россия ОМВД-дынъ ПДН эм УУП боьлигининъ ПДН инспекторы.
