Йыл сайын казан айында савлайдуныялык авыл хатын-кызлар куьни белгиленеди. Бу куьн авылда ер мен каьрлейтаган хатынлар байрамы деп саналады. Олардынъ ис этуьви мен аьел эм онынъ аьдетлери, эдап тамырлары, савлай авылдынъ яшавы туьзиледи. Оьз аьели, балалары уьшин яшайды эм ислейди, оьз бактысын коьплеген йыллар ер мен байланыстырып келеди Сабират Айнадин кызы Батырова (суьвретте). Асылы ман ол Ногай районынынъ Бораншы авылыннан, Айнадин эм Эльбике Аджиманбетовлардынъ коьп балалы татым аьелинде тувып-оьскен.

Кишкей заманыннан алып бу аьел аьвлетлери куллыкка уьйренгенлер. 1988-нши йыл Сабират Аджиманбетова Червленные Буруны авыл ясы Уллубий Батыров пан аьел курып, оьз бактысын бардырады.
Буьгуьнлерде Сабират Батырова эри мен Червленные Буруны авылынынъ 1-нши номерли фермасында яшайдылар эм каьрлейдилер. Сабират – шынты авыл хатыны, ол кырда да, уьйшиликте де ислеп уьлгиреди. Батыровлар уьйкен мал, анъ саклайдылар. Уьй бийкеси Сабират туьрли аслар аспага, уннан зияпетлер писирмеге суьеди, онынъ уьш унык-кызы бар, увылы Тамирлан аьели мен Червленные буруны авылында яшайды.
Сабират Батыровады эм баьри авыл хатын-кызларды байрам ман кутлап, ийгиликлер эм онъайлык йорайман.
Г.Бекмуратова.