Россия телеканаллары да аз тувыл, соларда болатаган программалар да кызыклы. Аьр бир телеберуьв оьзининъ каравшыларын да тийисли заманларда телевизордынъ алдына йыяды.

Отыз йылдан бери оьткерилип келетаган «Поле чудес» ойын программасын коьп аьдемлер суьйип карайдылар, айтпага, бир телеберуьвлерди яслар яде ясуьйкенлер карайтаган болса, бу айтылган программады яс та, орта яслы да, карт та карайды. «Поле чудес» ойынында катнасатаган аьдемлердинъ де яслары туьрли, яшайтаган ерлери де айлак бир-бирисиннен алыс болады. Бу уллы юма куьн «Поле чудес» программасында бизим ердесимиз, аьли уьшин Ногай шоьлден алыс ерде яшайтаган, Тахир Кадрович Аджиев катнасады.
«Поле чудес» шоу программасы уйгынланып озгарылатаган отыз йылы ишинде Тахир ердесимиз бизим Ногай районымыздан биринши, ама ногайлардан экинши аьдем болады.
Г.Сагиндикова.
Суьвретте: Тахир Аджиев Леонид Якубович пен.