Турция элининъ кубыла-куьнтувар бетинде яшайтаган коьп аьдемлердинъ яшав оьмирлерин кыскарткан, тарих эм маданият эстеликлерди, инфраструктура эм яшав канагатлавшы объектлерди бузгышлаган энъ куьшли ер козгалув баьле-казасынынъ сырагылары акында кайгылы оьзгерис Дагестан Республикасынынъ Ногай районында юрек туьбинде куьшли навасызланув эм кайгы сезимлерин тувдырды.

Турция халкына, онда яшайтаган ногай халкынынъ ваькиллерине, ювыкларын эм кардаш-тувганларын йойган аьеллерге ак юректен каты кайгырувымызды билдиремен, яраланганларга тез савболганын йорайман.
Туьрк халкынынъ куьш-куватлыгы эм берклиги бу баьле-казадан шыкпага коьмекши болар. Бизим юреклер туьрк халкы ман эм кайгыга коьмилген аьеллер мен.

«Ногайский район» МР администрация аькимбасы Д.Эсиргепов