Россия Федерациясынынъ Оькимети мен, бизим япсарда авыр коронавируслы COVID-19 инфекциясы кенъ яйылув ман байланыслы болып, бизим яде шет эллердинъ гражданини деген шайытламасы болмаган аьдемлердинъ (ис аьрекетин бардыратаганлар) бизим элде кесек заман турмага болады деген ыхтыярларынынъ заманы созылатаган акында карар алынган. Сол мараздынъ яйылувы ман байланыслы болып, Россия Федерациясынынъ Оькиметининъ кабыл этилинген карарына коьре, шет эллердинъ гражданлары оьзлерининъ Россия элинде яшамага болатаган ыхтыярларында белгиленген заман ишинде, Россия Федерациясынынъ япсарыннан оьтип болмайдылар.

Россия Федерациясынынъ япсарларында шет эллердинъ гражданлары закон бойынша тийисли аьлде яшар уьшин, оьзи токтаган ерге ювык миграционлык соравларды шешетаган пунктка барып, оьз аьризесин язбага керек боладылар.
Патшалык программалар бойынша ис аьрекетти бардыратаган шет эллердинъ гражданларына да тутпага керек йорыклар бар. Коронавируслы мараздынъ кенъ яйылган заманында тутылмага керек йорыкларга киритилген туьрленислер буьгуьнлерде де ислейдилер. Россия Федерациясында шет эллердинъ гражданлары ис аьрекетин бардыратаган болса, олар айтылган элдинъ япсарларында яшамага алган ыхтыярларын тийислисинше тутпага кереклер. Шет эллердинъ гражданларын куллыкка алган аьдемлер де оьзлерининъ ис йолдасларынынъ ден савлыгы акында ойлап, тийисли йорыкларды тутпага борышлылар. Олар оьзлери шет эллердинъ гражданларынынъ орынына олардынъ документлерин миграционлык пунктларга элтемеге эм алмага боладылар.
Г.Картакаева,
Ногай районы бойынша Россия ОМВД МП начальниги полиция майоры.