Быйыл 18-20-ншы ноябрь айында Дагестан Республикасынынъ Оькиметининъ карары ман Дербент каласында «Дагвино» комитети курылганлы 100 йыллыгына багысланган байрам шаралары оьткериледи.

Белгиленген шараларда властьтинъ федераллык органларынынъ ваькиллери, Россиядынъ туьрли регионларыннан юзим оьстируьвши эм шагыр аьзирлевши организацияларынынъ коллективлери эм конаклар катнасаяклар.
19-ншы но- ябрьде, бу шатлыклы мерекеге багысланган юзим оьстируьвшилердинъ эм шагыр аьзирлевшилердинъ регионаллык форумында Дагестан етекшилери «Дагвино» комитетининъ тарихи акында хабарлаяклар, солай ок конференция ортакшыларын Дагестан юзим оьстируьв тармагынынъ оьрленуьв йоллары ман таныстыраяклар.
Байрам шаралары куьнлеринде конаклар Дагестаннынъ энъ алдышы шагыр аьзирлевши предприятиелери: «Дербентский завод игристых вин» ОАО, «Дербентская винодельческая компания» ООО, «Дербентский коньячный комбинат» АО, Йогары Джалган авылындагы «ДВК» ООО эм «Агрофирма «Татляр» МУП-ты барып коьрееклер.
Байрам программасында со- лай ок республикадынъ халк оьнер коллективлерининъ концерти болаягы белгиленген.