Яньыларда Кумлы авыл мектебининъ баславы ман маданият уьйинде белгили аьлим, язувшы, фольклоршы Джалалдин Магомедович Шихмурзаев тувганлы 85 йыллыгына багысланып «Йигит оьлсе, данъкы калар» деп, яратувшылык кешлиги озгарылды. Шарады оьз соьзи мен Кумлы авыл мектебининъ директоры, ана тили эм адабиат окытувшысы К.Нукаева баслады.

Орыс тили эм адабиат окытувшысы Х.Бурумбаева мерекешиге багысланган оьзи язган ятлавын окыды. Джалалдин Шихмурзаев акында оьз соьзин ерли китапхана заведующийи Р.Менлиалиева да айтты, онынь аркасы ман маданият уьйи ярасыклы безекленген эди. «Дайым юреклерде сакланган» деген суьврет китаплер выставкасы кешлик катнасувшыларынынъ эсин каратты. Кумлы авыл орта школасынынъ окувшыларынынъ «Курткашык» хореографиялык куьби миллет биюви мен йыйылганларга оьз оьнерлерин коьрсетти.
Бизим хабаршы.